Popular Bible Verses from Efe 5

Share

Mbə yɨə bɔn Ŋwiə̀ nɨ wɨ̀ ghaʼi kwàʼ rɨŋgəʼ, əne mbə̀ kywɨ ənywɨ nɨ yeʼ ɨghabɨ ə məd. Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Əne mbə we ɨchî nɨ mbə̀ə chubə. Tɨ mbə̀ chub ə ɨghabɨ ɨneŋ. Mbə̀ chub ɨghabɨ ə bə̂d ɨwe. Tɨ mbə ben ə ni əpan ə mɔʼɔ ze nɨ mbə berɨ nɨ ghɨ ɨnû nɨ kuʼnɨ ə chè ətu ə̀kǒ, ɨmbə̀ʼ ɨghəm nɨ bə̂d mbɨə ghɨ̀ ɨnû rɨbɔ̀ŋ nɔnɔʼ ənɨ ə nyùmə̀ wɔ̂.

Tɨ mbə̀ nɔ ə mɨnoʼ be, ɨmbə̀ʼ ɨghəm nɨ mbə mɨ nɔ be, mbə bɨrɨ ghɨ ɨnû mbe nɨ bɨrɨ chəkɨ əwən. Mbə̀ saŋə yeʼ ni Əzwî ə Zeŋɨ ə swi ɨŋga nən. Mbə̀ kwerɨ mɨkyî əkaʼ nən ənɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî. Mbə̀ kwerɨ mɨkyî yiirɨ Ə̀nùŋɨ̀sɨg ɨŋga tə fîŋ. Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Əne tɨ mbə̀ ghɨ ə ɨghabɨ ɨneŋ, àyɨə mbə̀ kywɨ ənywɨ nɨ kyerɨ ənû ze nɨ Ə̀nùŋɨ̀sɨg kəbɨ.

Mɨnom, mbə̀ ghaʼ mbə məyi ɨchî nɨ Kristo ghaʼ ɨfetɨ bə̂d ɨməd. Wɨ̀ nyaʼa kwɨ ɨgwɨ ətu ɨfetɨ we

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ

Mbə zuunɨ ə mbənə mbənə ɨmbə̀ʼ chwi ni mbə̀ mbɨə wumnɨ ə Kristo.

Məyi, mbə̀ zuunɨ mbə mɨnom ɨchî nɨ mbə̀ə zuunɨ Ə̀nùŋɨ̀sɨg

Əne mbaŋə̀ mɔʼ mɔʼ rəbɔʼ nən ghaʼ i ɨwi ɨchî nɨ wɨ̀ ghaʼ i ɨnyod. Əyi berɨ bɨ wumnɨ i nom.

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨ əton nɨ mbaŋə̀ bɨrɨ saŋ i mbǎʼ mbɨ i nɨŋ wo fɔtɨ mbɨ i ɨwi, mɨ̀mə̌d mbe mɨbe sɨə nyamnyod mɔʼ.”

Tɨ mbə zɨ ə ɨbɔ ɨŋga ɨnû əko mɔʼɔ mbe nɨ bə̂d ə ghɨ̀ ɨŋga ɨsɨ firɨ, àyɨə mbə̀ du ɨnû mbe əsaŋ ni bə̂d zə.