Popular Bible Verses from Efe 4

Share

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Mbə̀ swi ɨnyod bə̀ bɔtɨ ɨnyod. Mbə̀ yim fîŋ bə̀ chwiə ni mbə ghaʼ mbə bɔŋgɔb ɨchî nɨ mbə̀ə chì ɨnû mɔʼɔ mbe nɨ mbɨ ghɨ ənɨ ə nən.

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Mbə̀ waʼ mɨŋgam jìm mbe nɨə tɔbə fîŋ rɨ bə̂d, waʼ ənû nɨ chɔb, waʼ ənû nɨ sə ɨtəm, waʼ ənû nɨ taŋ, waʼ ənû nɨ ghambɨ wə̀d, bə̀ waʼ ənû nɨ ghɨ tɨkwɨrɨ ɨbə jìm.

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm. Tɨ mbə̀ tɔ naʼ ə əpan əmbɨ Debɨ̀rə̀.

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən. Mbə saŋə ni Ŋwìə̀ ghɨ tə fîŋ bə̀ ghɨ̀ tə rɨkɔndɨ beŋ ənɨ rɨ fi, bə̀ ghɨ̀ ni mbə̀ zɨ ɨnyod fi we nɨ mbɨ nyaʼa tekɨ ni wɨ̀ yeʼ ɨghabɨ ə Ŋwiə̀, ɨchî nɨ wɨə ghɨ̀ ɨnû rəsìʼ mbe nɨ kùʼnɨ̀, bə yeʼ mbe nɨ zeŋɨ.

Mbə ghɨ ɨnû jìm ɨmbə̀ʼ nuŋ ɨfɔtɨ we nɨ Əzwî ə nàʼ ənjìm əbɔrəbɔd ze nɨ kod əwən fɔtɨ.

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀. Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi wò pè ənɨ mba mɨjìm bɨrɨ fɔtɨ sɨ wə̀d mɔʼ ənɨ a ɨbenɨ, bə jeŋgɨ kyerɨ Wan Ŋwìə̀, bə̀ kwi kuʼ sɨ ɨghabɨ ə Kristo.

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə. Àyɨə ənɨ tɨə ghà rəsìʼ mbɨ ɨghaʼi, tɨ̀ berɨ kwi ənɨ mɨnə̂njɨ̀ jìm sɨ ɨghabɨ ə Kristo, nɨ yeʼ ətu.