Popular Bible Verses from Efe 6

Share

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Mbə̀ zɨ ɨghɨ bid Ŋwiə̀ ɨmbə̀ʼ mbə berɨ ɨkǎ təm kən ə ɨnyod tɨ ənɨ mɨnaŋ Debɨ̀rə̀

Əne mbə̀ zɨ ɨghɨ bid Ŋwiə̀ jìm ɨmbə̀ʼ əni rɨbɔ̀ŋ ze ə mɨ yeʼe, mbə təm kàànɨ̀. Mbə̀ nɨə fə ghɨ ɨnû jìm, mbə kɨrɨ təm kàànɨ̀.

Ɨ yi əbɔʼ ɨnû mbɔ̂ jìm, mbə̀ nɨŋ ɨchî nɨ mbə̀ nuŋ fîŋ ɨgun ə Kristo ɨghabɨ ni à yɨ ə̀gùʼ ə bid ni mbə mbe tɨ̀ mbə nɨŋ nimnɨ ɨwid we nɨə berɨə tɨ ənɨ ə kyed te nɨ wə̀d rɨ̀bɔ̀ŋ tumɨ. Mbə̀ nɨŋ ɨchî nɨ Ŋwiə̀ fə chɨ̀ əwən rəŋgəʼ ɨghabɨ ni à yɨ ɨdəm ətənɨ nɨ kən ətu. Mbə̀ bə̀ nɨŋ ɨŋgam Ŋwìə̀ ɨghabɨ ni à yɨ ɨbi bid nɨ Əzwî ə nàʼə̀.

Əne mbə̀ təm kàànɨ̀, kod ɨnû rəsìʼ ənɨ ə ɨkyerɨ ɨghabɨ ni à yɨ ɨ̀kɔ̀bɨ̀. Mbə̀ zɨ ənû nɨ təm kùʼnɨ̀ ɨfě Ŋwiə̀ ɨgwɨ nən ɨghabɨ ni à yɨə parɨwa ətənɨ. Mbə̀ tekɨ ɨnyod gha ɨkə̂n chɔ̀m we nɨə ghɨ̀ ni bə̂d chub ənɨ əbɔrəbɔd àmei ɨchî nɨ bə̂d mbe nɨə tekɨ ɨnyod ɨ wo zɔ̀ŋ ə zɨ ɨtabɨ ənɨ mbə ɨwu.

Ənû ze nɨ mə bɨrɨ sɨ nwìə̀ gha ɨ nən yɨ ni: Mbə̀ chub ənɨ ɨfɔtɨ mbɨ Ə̀nùŋɨ̀sɨg ɨmbə̀ʼ ɨkǎ məd we nɨ che ɨka jìm we tɨ̀ wɨ ghɨ̀ tə fîŋ kàànɨ̀.

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wumnɨ e mbǎʼ mbɨ e nɨ̌ŋ.” Wɔ̂ yɨ ɨkə rɨtu nɨ nwi mbɨ ənû nɨ Ŋwìə̀ kàʼi. “Wumnɨ mɨ̀mə̌d ɨmbə̀ʼ mbe ɨnû yen ɨchî chɔ̀m, à chubɨ tàndɨ̀ ɨgwɨ ə si.”

Bɔn, mbə zuunɨ mbə mɨ̀mbǎʼ mbɨ mbə mɨ̀nɨ̌ŋ ɨmbə̀ʼ ɨghəm nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Ə ze yɨ ənû nɨ kuʼ ni mbə̀ ghɨ ə.