Popular Bible Verses from Aroom 3

Share

Nurubiik meena abe tom kaasi kama, a yaa yalima ale Wen zulaŋa. Alege Wen tiirim niaka nyiŋ ate ti nya da tuesika a yaa chim wayɔrisima nyam Yeezu Kirisita nyiŋ.

Alege ka waai meena ale ta siaka ale Yeezu Kirisita la ate wa a nye ate nuru wala choa a chim wayɔrisima nyɔnɔ wa Wen jigi. Boan nyiŋŋa, lukka karo ale Juu ale waai ale kan daa Juu la.

Wen basi kama ate Yeezu kpi tama wabaataŋa nyiŋ ayen ti dan ta siaka ale wa, ti le nya vɔŋteka. Wen nye nna kama ayen ku sak nuruba ayen wa, Wen, ka wayɔrisima nyɔnɔ. Diipo ate Yeezu an diem jam kpi la, Wen jam ta chichiiba kama a yik wadek an namsi nuruba ba wabaata nyiŋŋa. Alege yɔgyɔgla de, Yeezu kummu nyiŋ ate Wen yaa nya nurubiik wabaataŋa zuk ayen ku sak ayen Wen ka nyemagsika nyɔnɔ. Ku be a sak kama ayen wa ka nyemagsika nyɔnɔ ate baai meena ale ta siaka ale Yeezu la, wa basi kama ate ba chim nyemagsika nyam.

Dila nyiŋla, nuru dan va Wen Sinsaŋŋa ale a weeni diila, dila kan basi ate wa a chim wayɔrisima nyɔnɔ Wen jigiya. Alege Wen Sinsaŋŋa weeni a sak ti kama biem ale ka diila.

Ba ŋmarisi Wen gbaŋka po ayen, <<Nuru yeŋ bola karo a chim wayɔrisima nyɔnɔ, Nuru karo mɛ a ta yammoa. Nuru karo a yaali ayen wa zuli Wen ya. Waai meena cheŋ wensie suiku po a be kama ale chim nuru kayaata mɛ. Nuru yeŋ bola karo a tom tuimaŋsa.

Boan nyiŋŋa, ti yaa baga a weeni kama ale sebi chak mɛ ayen ku daa Moosis Sinsaŋŋa vaka nyiŋ ale soa ate nuru a chim wayɔrisima nyɔnɔ, alege ka wa siaka nyiini ale Wen ale baga a nye ate kula nyɔnɔwa a chim wayɔrisima nyɔnɔ.

Aaya, waai meena abe dan poom ka velimvendik, Wen kasim ka wensie nyɔnɔ. Ase ba ale ŋmarisi wa gbaŋka po ayen, <<Fi dan biisi, wensie boro kama. Fi be dan bo buusa, fi biisi a de kama.>> (Yiila 51:4)