Popular Bible Verses from Aroom 2

Share

Alege fi dan bo baai ale a nye nyaŋa de la buusa alege fidek a tom ŋa, fi a poli ayen fi le baga chali be ate Wen kan nya fu a bo buusa? Yaa fi zɛri Wen nye maŋ kaai ale suiduŋ dii ale wa ale ŋman ta chichiiba ale fi diila kama, fi a poli ayen wa le kasim a nye ka dila a ta a cheŋ. Fi zɛ ayen Wen nye maŋka fi jigi a sak fu kama ayen fi basi fi tuimbaataŋa tomka?

Dila nyiŋla, ni wanyi ka suik ate fi suok a dan nye wari a kaasi, fi bo wa buusa. Fi dan nye dila, fi ta ka kaasuŋ a jam fidek jigi dii nyiŋla, wie ŋaai ate fi ayen wa nye a kaasi la, fidek a tom ka ŋala dekdega.

Boan nyiŋŋa, Wen ta ka nyeyeŋ Juuma ale baai mɛ ale kan daa Juuba la jigi.

Nuruba dan wom ka wa Sinsaŋŋa nyiini ale kan va ŋa, ba kaasuŋku a diem bo ale ba kama, alege baai ale wom ŋa a yaa va ŋa la, wa kan ŋman nya ba kaasuŋku.

Da dila danni, Wen le tuni waai meena a magsi chaab ale ka ti wanyi wanyi ale tom diila.

Alege baai ale a yaali badek nyaka mwuli ale a zɛri wensie suiku vaka ale kasim a tom tuimbaata daa meena la, Wen le basi ate wa suipuurumu a jam ba zuk.

Ni tue kan wom. Ni sue be kan kaasi ale ni tuimbaataŋa. Ni a tom tuimbaata kama alege jaab kan daani ni, alege Wen suipuurumu ale wa wensie buusaŋa danni a dan paari ate wa ayen wa bo wensie buusa ale ni, wa sui le puuri ka nna yegayega ale ni ate wa te ni waalika.