Popular Bible Verses from Azaya 41

Share

Dila kan yɔgsa, ale mi bo ale fu kama. Kan jɔk nyiŋbiiri, diila mi ale fi Wen. M le te pagrim abe m maari fu. M le pai m wayɔrisima juga nisaŋa a yik fu.

Dii nyiŋla mi ka Naawen, fi Wen dii ale yik fi juga nisaŋa ale a weeni fu ayen, kan yɔgsa. M le maari fu.

<<Baai meena ale ta chaab ale fu la chivie ale yik ba. Baai ale kaa siak a te fu la kan ta kiri ya abe ba kpi.

Mi pai fu kama a ta nyini tɛŋka kpeglimka, a nyini ka gugottaŋa ale yalima la po, mi wi fu kama. Mi weeni kama ayen fi ka m tomteerɔ mi lueri fu kama mi an zɛri fu.

Fi dan poom a gisi fi dachaasaŋa, fi a kan nya ba. Baai ale a nye kpaliŋ ale fu la meena a kan bola a ta kiri ya.

Kan yɔgsa, Jekob ale Izirali tɛŋ kaai ale pɔsima la, diila mi dek ale maari ni,>> Naawen ale a weeni dila, fi Da Tuesirɔwa, Waai ale Welema a bo Izirali la.

<<Alege fi, Izirali, m tomteerɔ Jekob, waai ate m lueri fu la, a nyini Abrayam mi doawa ŋaaŋbisaŋa po la

M le nye ate bela a bo gu tii ate jaab a karo la zuk, abe benaŋsa a bo vaasaŋa po. M le labri gɔnni ate di chim bela, ate tɛŋ kosikka a chim benaŋsa.

<<Ŋanjaksa ale baai ale a silim la a gisi ka nyiam, alege bu karo. Ba giŋgeluŋtaŋa a kɔ kama ale nyanyuila. Alege mi Naawen ale tulisi ba. Mi Izirali Wenni a kan zɛri ba.

Ka wana ale nye nna la ale ta ku a ga taamu ale a wi gaŋ sii ale nyini piilimka la? Mi Naawen ale piilimka, ka mi ale kpeglimka mɛ.>>

M le pai nyunyoŋ ale siik ale puuta tiisa ale kpaam tiisa a basi gɔnni po. M le te ate dapeelita tiisa ale kinkaŋ peruk ale damɔnta tiisa a gum chaab a bo tɛŋ koroku po. Ate dila a basi ate nuru a baga nya abe ba seba, abe ba poli, abe ba miŋ ayen ka Naawen nisa ale nye nnawa, ayen ka Waai ale Welema Izirali po la ale nye dila.