Popular Bible Verses from Azaya 40

Share

Baai pagrim ale nueri la wa a te ba pagrim ale a gum pagrim du a te baai ale wobsa la.

Bi paaluk a jiak kama ate ba pagrim a nueri, nidoa paaluk nyiŋsa ale gɔk ate ba lɔ. Alege baai ale ta yiila ale Naawen la ale nya pagrim paalik. Ba ale yiri ale kiŋkaŋŋa ase jiirita la. Ba le chali ba kan jiagi, ba le cheŋ ba kan cha vuusummoa.

Fi a zɛ? Fi an wom ya? Naawen ka Wen dii ale boro taam wuu. Wa ka tɛŋka kpeglimka Nyeerɔ. Wa kan jiagi yaase wa pagrim a nueri, ate waai karo a miŋ wa popolaŋa ale ka diila.

Nuru lueluk ale boro a wi ayen, <<Gomsi suik gɔnni po a te Naawen. Nye ate suiku a doa yɔrr sagni po, suik duok a te ti Wenni.

Wuutaŋa a kpi kama, ate puutaŋa a lɔ, alege Wen wanni ale kasim boro kama taam wuu.>>

Ate Naawen zulaŋa ale nyini peelim, ate nuru meena ale nya ŋa. Diila ka Naawen nɔnni ale biisi.

Palinti viak meena a sueri, a nye ate guuk meena ale pina meena a siŋ tɛŋ, golaŋa meena a si, ate jigi dii ale lɔrima la ale nala.

Wa a nya wa piisaŋa zuk ase ka naapeerik la. Wa ta pabisaŋa ka wa nisa po ale pai si a pɛ. Wa a nya sii ale diem ta bisa la zuk ka nna baliyaa.

Zak nya wenŋmazukku. Ka wana ale nye ŋantaŋa de meena? Wala waai ale nye ate chiŋmarisaŋa kanyi kanyi ale si yue kanyi kanyi la. Wa pagrim buui ale zuak la ale wa pagrim kpiemu nyiŋ, ba wanyi mɛ la a kan yuli a bɛ.

Wa kali ka wa naam zukpaglika zuk a bo wenŋmazukku ate tɛŋ gigilukku a bo wa tɛŋ, ate ka nuruma a nye ase nanchoŋta la. Wa lagri wenŋmazukku kama nna se viuk la ale lati ku ase garuk pali ayen wa bo ku po.

Biisi baliyaa a te Jerusalem, a mooli te ka ayen wa tuim pagraŋa a nueri kama, ba tuni wa biemu nyiŋ kama, ayen wa tuesi a nyini Naawen nisa po wa biemu nyiŋ buye.

Lueluk ale boro a weeni ayen, <<Kaari ate ku nyini peelim.>> Ate mi yaa weeni ayen, <<M kaari ayen boa? Nuru meena a nye ase ka wuuta la, ate ba zulaŋa meena a nye ase puuta ale bo talim po diila. Wuutaŋa a kpi kama, ate puutaŋa a lɔ, dii nyiŋla Naawen vuusumu ale a fuk ti. Chekki nuruma ka wuuta.

Nya, Nyɔnɔwa Naawen a cheena ale pagrim, ate wa nisaŋa a nya wie meena zuk a te wa. Nya, wa tutunaŋa a bo ale wa kama ate wa ale vari baai a basi la ale bani wa.

Ni yɔk, ni yɔk m nuruma sue, ni Wenni ale weeni.

Ka wana ale pai wa nisa a magsi nyiamoa, yaase a pai wa nisa a magsi wenŋmazukku? Ka wana ale baga a pai tɛŋzuk de nyuŋ a nyo busik po yaase wa baga a pai ja magsim a magsi pinaŋa ale guutaŋa? Ka wana ale baga a miŋ Naawen popolaŋa yaase wa dak wa ayen wa nye wari ase wa sagrɔ la? Naawen a bek ka wana ayen wa sak wa? Ka wana abe le sak wa suik miŋka? Ka wana ale jam sak wa sebika yaase wa sak wa wie miŋka suik wa?