Popular Bible Verses from Teerika 5

Share

<<A zuli fi ko ale fi ma ase Naawen dii ale ka fi Wen la ale weeni fi diila, ate fi goa a benni ate wari meena ale nye nalimnyiini a te fu tɛŋ kaai ate Naawen dii ale ka fi Wen la a te fu la.

Cheŋ kauk kuui meena ate Naawen dii ale ka ni Wen la a weeni ni la, dii ale ku nye ate ni boro ale niaka ate nama a goa tɛŋ kaai ate nama ni tuesi la po a beni.

<<Kan koori tɛŋ a zuli ba yaase fi puusi ba, diila mi Naawen dii ale ka fi Wen la, ka nyuri Wen, a namsi bimbaansa ba koba biem nyiŋ a ta ga paari ba gaŋ sii ale a saari buta ale bunaansi la baai ale kisi mi la. Alege a sak ŋmanteka ale gaŋ sii ale saari tusidi a yaali mi ale ŋman ta m wieŋa la.

<<Kan nye bɔgluk ate ku a neesi jaab wenŋmazuk yaase tɛŋzuk yaase nyiam po a te fi dega.

<<Kan ta wen yona a gum mi po.

<<Kan wi Naawen dii ale ka fi Wen la yuenni kinla, diila Naawen a kan basi waai ale a wi Wa yuenni kinla la.

Mi dek a yaali kama ayen ba le chali mu yɔgsum ale ba suiniima meena abe ba ta m sinsaŋŋa diipo meena ate ku ale cheŋ nalimnyiini a te ba ale ba bisaŋa taam wuu!

Kpesi Vuusum Danni abe fi basi ate di ta tuilum, ase Naawen dii ale ka fi Wen la ale weeni diila.

Kan ta kɔrisa ale fi vaanchoa powa, be kan ta kɔrisa ale fi vaanchoa yeri ya, yaase wa tɛŋŋa yaase wa tomteerɔ yaase wa dɔklie yaase wa lalik yaase wa boniŋa yaase jaabuuri meena ate fi vaanchoa a ta la.

Kan nye kaboŋŋa.

Kan chim venta seerɔ a velim te fi vaanchoa.

Kan ko nuru.

Kan zu.

Fi abe a teeri ayen fi jam ka yɔma a bo Ejipiti po ate Naawen dii ale ka fi Wen la a ta fi nyini ale wa nisima pagrim. Dila nyiŋla Naawen dii ale ka fi Wen la a weeni kama ayen fi a kpesi Vuusum Danni.

Daa ŋayuebi fi pai tom fi tuimaŋa meena, alege daa ŋayopɔiwa danni ka Vuusum dai a te Naawen dii ale ka fi Wen la. Dai dila danni kan tom tuin yoŋŋoa. Fi dek kan tom yaase fi nidoabili yaase fi lie yaase tomteerɔ yaase dɔklie yaase fi lalik yaase boniŋ yaase fi duŋsaŋa kaai yaase nichaanɔ ale bo ale fi la. Dila ale ku basi ate fi tomteerɔwa ale dɔkliewa a vuusi ase fi la.

<<Mi ale Naawen dii ale ka fi Wen la, waai ale ta fu nyini Ejipiti a nyini yɔntidi tɛŋka po a nyini la.