Popular Bible Verses from Teerika 4

Share

Alege a nyini dula ni gisi Naawen dii ale ka ni Wen la, ni ale nya wa ase ni ale a gisi wa ale ni suinum ale ni chiik meena.

Naawen dii ale ka ni Wen la ka jiirim Wen. Wa kan zɛri ni yaase wa kaasi ni yaa wa baŋ nɔiyeŋka ate wa nye ale ni kokpieŋsaŋa kaai la.

Ale Naawen dii ale ka ni Wen la a nye ase ka bolim buui ale dɛ la, wa ka Naawen dii ale a dɛ nyuri.

Ni kpesi yik nidek, a moata chaab ate ni kan baŋ dii ate ni nya ale ni ninaŋa la yaase ni basi ate ŋa sati a nyini ni suiniimaŋa po a nyini ase ni le diem vua la. Ni pai ŋa a sak ni bisaŋa ale ni ŋaaŋsaŋa mɛ.

Ni be seba, abe le basi ate ku bo ni suiniima po jinla danni ayen, Naawen ka Wen wenŋmazuk po ale tɛŋzuk de mɛ. Waai a ŋman karo.

Ka tɛŋ boa ale zuak a ta ka wena ate ŋa moata ba ase Naawen dii ale ka ti Wen la ale moata ti diipo meena ate tama a puusi a te wa?

Ase ni dan bo watuasa po ate wieŋa de meena a nye ni ku kan beni ale ni ale tulim Naawen dii ale ka ni Wen la jigi a wom wa.

Ni kan yaali wari a gum dii ate mi a weeni la po abe ni kan yeeri wari dii ate mi a weeni ni la po mɛ a basi alege ni tanla Naawen dii ale ka ni Wen la sinsaŋŋa ate mi a te ni la.