Popular Bible Verses from 1 Jɔɔn 3

Share

M bisa, ni kan basi ate ti a yaali ti chaab ale ti nɔi po wie nyiini, alege ni basi ate ti sum a yaali ba abe ti a tom tuimaŋsa a te ba.

Tama ale seba yaalika ale ka diila ale nna. Ku kiri ale, Yeezu Kirisita ale kpi a te ti diila, a sak ti ka wensie yaalika ale ka diila. Ku nala kama ayen tama mɛ pai ti nyuvooŋa a te ti chaab mɛ ase ku dan poom ka kum wari.

Nama a poli ti Kowa Wen ale a yaali ti nna yegayega diila. Wa yaalika ale ti a zuak ka nna yegayega ate wa yaa a wi ti ayen Wen bisa. Ti be sum ka wa bisa. Baai abe ale a va tɛŋzuk de demma suiku la a zɛ tama, dii nyiŋla ba zɛ Wen dega.

Baai meena ale a tom tuimbaata la, bala ka jabioku bisa. A nyini ku piilimka po a ta jam paari jinla, jabioku a kasim a tom ka tuimbaata. Ka dila ale soa ate Wen a tom Wa nidoabinni ate wa siŋ jam tɛŋzuk de meena ayen wa yik jabioku tuimaŋa a kaasi.

Baai meena ale ka Wen bisa la, a kan tom wabaata dii nyiŋ la, Wen ale ka diila a bo ale kula nyɔnɔwa kama. Wen abe ale ka wa ko la nyiŋ ale soa ate ku a fɛ ayen kula nyɔnɔwa a kan a tom tuimbaata.

Ase nama a dan poom ka ŋanta nyam alege ate ni nya ni choa ale wa a nam alege ni kan maari wa, kula a sak kama ayen Wen yaalika a ka ni jigi ya.

Baai meena ale a va Wen nɔi la a bo ale wa kama ate wa mɛ a bo ale ba. Ti seba ayen nya kude ka wensie, dii nyiŋla wa pai ka wa Chiika a nyo ti suiniimaŋa po.

Suiku de po ni le baga a miŋ baai ale ka Wen bisa la ale baai mɛ ale ka jabioku bisa la. Baai ale kaa a tom tuimaŋsa la ale baai mɛ ale kan a yaali ba chaab la, bala meena a daa Wen bisa.

Wen sinsaŋŋa ate nama a liŋ a wom la ale, ti a yaali ti chaab.

M suata, ase baai ale a va tɛŋzuk meena demma suiku la a dan kisi ni, ni wamaŋsa nyiŋ, ni kan basi ate kula cha ni.