Popular Bible Verses from 1 Jɔɔn 2

Share

Ni kan a yaali ayen ni a va tɛŋka meena demma ale a va diila. Nama a daa yaali tɛŋka meena demma ŋantaŋa, ku a sak kama ayen ti Kowa Wen yaalika a ka ni jigi ya. Ŋan baai ate nuruba nyiŋsa a yaali la ale ŋan baai ate ba ninaŋa a yaali ayen ba a nya la abe ba yik ba a nyo ba nisa po a ta kanjanta ale ba la, ŋantaŋa de meena an nyini daa ti Kowa Wen jigi ya. Bala meena ka tɛŋzuk de ŋanta.

Tɛŋka meena ale ŋan baai meena ate tɛŋzuk de demma a yaali la, a kan beni, alege waai ale a va Wen yaalika la, le jam tuesi ka nyuvuri dii ale kan ka kpeglimka la.

Ase nuru a dan weeni ayen wa bo ale ka Wen, ku a fɛ ate wa va wa ase Yeezu ale va wa diila.

M dek bisa, mi a ŋmarisi gbaŋka de a te ka nama ayen ni ka a tom wabaata. Alege waai a dan tom wabiok, ti ta ka nuru wanyi waai ale wa saalim ti Kowa Wen a te ti la. Wala ale, Yeezu Kirisita waai ale ka Wamaŋsa Nyɔnɔ la.

Ase nuru waai a dan weeni ayen wa seba Wen alege a kan va wa sinsaŋŋa meena, wa a velim kama. Wensie a ka wa jigi ya.

Ase ti daa va Wen sinsaŋŋa meena, ti le sum a seba ayen ti seba wa kama.

Nuru waai abe dan weeni ayen wa bo ka danni kantueŋka po ale ge kisi wa choa. Ku a nye ase wa diem bo ka legi po la.

Be ka wana ale venta nyɔnɔ? Ka waai ale a weeni ayen daa Yeezu ale waai ate Wen a tom la. Wala choa ka Kirisita dachiak. Wala a zɛri ka Kowa ale wa Nidoabinni.

Nuru waai abe ale kan ta siaka ayen Yeezu ka Wen Nidoabinni la, wala mɛ a zɛri ka Wen dila. Nuru waai ale ta siaka ayen Yeezu ka Wen Nidoabinni la, wala mɛ a seba wa Kowa Wen kama.