Popular Bible Verses from 1 Korinti 12

Share

Wen abe basi kama ate wari a bo nuru meena wanyi wanyi jigi a sak ayen Chiika a bo ale kula nyɔnɔ kama ayen wa a maari Kirisita bisaŋa meena.

Ni meena abe a nye ase ka Yeezu nyiŋka la, ni meena wanyi wanyi abe ka wa nyiŋka kabta.

Ase nyiŋ kauk kunyi a daa nam, kab yontaŋa mɛ a maara a nam kama. Kauk kunyi a dan nya zula kab yontaŋa mɛ maara nya ka masim.

Wen Chiika a te waai yam. Chiik yeŋka mɛ a te waai sebika. Chiik yeŋka la mɛ ale te waai siaka. Ale a te waai mɛ tebika. Chiika a te waai mɛ wakperikaliisa pagrim. A basi ate waai a tuesi biik Wen jigi a biisi a te. A basi ate waai mɛ a gaari chiisa tɔgatɔga. A basi ate waai mɛ a baga a biisi bichaŋsa, a basi ate waai mɛ a weeni bichaŋsa kie.

Alege ka chiik yeŋ kala dek ale a tom dila meena, ka ale a yaali diila. Ka a te waai meena tiirimu ka tɔgatɔga.

Wen abe nye kude kama ayen nyiŋka kabta tɔgatɔga a kan poori chaaba alege a nye magsi a boro.

Chiika tiiritaŋa ka nna tɔgatɔga, alege ka Chiik yeŋka ale a te. Suita tɔgatɔga ate nuruba a tom ba tuimaŋa alege ka Naawen yeŋka la ate ba tom a te wa. Sebika ka tɔgatɔga ate nuruba a tom a te Naawen alege ka Naawen ale a te sebi kala waai meena ate ba a tom a te wa.

Kirisita bisaŋa po Wen a te waai meena wa tomka jigi kama. Wa piilim ale ka tuimtomdɔba, a pai saŋ biisiteerɔba, butawa sagrɔba. A yaa pai saŋ wakperikaliisa, a pai saŋ tebika tiirita, a pai saŋ maarɔba, a pai saŋ niŋdeerɔba, a pai saŋ baai ale a biisi bichaŋsa la.

Diila nyiŋka dek daa kauk yeoŋŋoa alege ka kabta yegayega.

Nyiŋka kab tii ate tama a poli ayen kab tila a wobsa la a dan kan karo ti kan baga a nye wari ya.

Ase nyiŋka meena daam dan ka num, bu le nye ka sɛ a wom? Ka daam abe dan ka tuiri, di nye ka sɛ a wom nyummoa? Ku be le ka diila, Wen a nye nyiŋka kama ate ka ta kabta tɔgatɔga ase wadek ale a yaali diila. Dila la, nyiŋ be ti karo ase ka a nin ka kauk yeoŋ nyiini.