Popular Bible Verses from 1 Korinti 13

Share

Ase fi dan a yaali nuruba fi a yik fi sui kama ale ba, ale a ta jiirim ale ba, fi dan a yaali nuruba fi kan ta nyuri nyeka, yaase fi a kuulim yaase fi ta kanjanta, fi dan a yaali nuruba fi kan ta tukpariya yaase butuemmoa yaase suipuurummoa, fi dan a yaali nuruba fi kan kasim a teeri ba ale nye fu kaasi dii ya.

Yaalika a pik ka wari meena ale a ta siaka ale wari meena ale a ta yiila ale wari meena ale a ta chichiiba ale wari meena.

Nuru baai ale ta yaalika la a kan ta suipeentik ase nuruba a nin tom kaasi alege ba a ta suipeentik ale ka nuruba nye magsika.

Ku abe le ka dii nna, wie ŋata ale tali. Wa ŋala abe le siaka ale yiila ale yaalika alege wieŋa de ŋatawa dii ale gaam la ale yaalika.

Ku be le ka diila, yaalika a kan kpegli. Ba dan poom a mooli Wen wanni di kan beni, a biisi bi chaŋsa ku le kpeglim, ba ale seba nna yegayega alege seba kala ale taam.

Mi dan poom baga a biisi tɛŋzuk de ale wenŋmazuk biisaŋa meena ale kan yaali nuruba ku a nye ase m biisi a nuem kama nna ase lɔŋi la yaase guŋgoŋ la.

M be dan poom baga mɛ a mooli Wen wanni nalimnyiini, ale seba, a baga a miŋ Wen wa wasusuŋŋa meena, ale ta siaka yegayega a baga a weeni guuta ayen ti voori a yiti ga duak jigi yoŋ, alege ka yaalika ale nuruba m ka kiriya.

M dan pai m ŋanta meena a chari nuruba ale basi ate ba ju mu ale bolim alege ka yaalika ale nuruba ku kan maari mu.

Diipo ate mi a jam ka biik la, mi jam ta ka bimbain biik ale bimbain popola alege yɔgyɔgla de ate mi a pak la, mi yaa basi bimbain nyeka kama.