Popular Bible Verses from 1 Jon 2

Share

Kə ghàn hi kôŋà mbyî yinâ nì mwə̀ me mù mò atîn. À kôŋà nâbi nde mbyî yinâ, ma yi hi chwûtè na wù kòŋà wi Bì, beka nâbi ghə ghe à mò a shyə a mbye ni te gha a be ghe a wun wu ghàhnà china ghàhnà na ghɨ hi nê, a mô se a fwona nì ghaŋhi wùni kum mwə, lo kə a mbyî, bu ha Bì.

Mbyi chyàlà yi chyâ, bakhe nì mwə̀ me a ghɨta nyɨŋa yi bàm atɨ̂n, biyani wùt we a wù nè kə te Yènfù khɨŋa kəta hi bè chyə fâŋ.

À hì jîsà nâbi nde na yi mò ghê Yènfù, ma wù hi kəta hi tê gbì kə te Jisòs ndùku gbê.

Mu nyak a gha ghɨ̂n ha ghàn a mwəlà mâmù shyəma ghàn hi fê nê wi gha a be. Biyani, a ni nâbi nde gha be, wu hì khə na ghàhnà kətalò wùt à chilichili, a mô Jisòs Klistù, wu chyate Bì a ghàhnà wù lùk.

Wùt shìki jîs na yi khəlò Yènfù, nê wi te saktu wun tu jìsà, ma wùt àtɨ̂n hi wama yi fə̂m, hamok bu a wun a yi təm.

Ghàhnà shìki nî te saktu Fùyèn tù jìsà, ma ghàhnà yen à khɨli hamok na ghàhnà khəlò wûn.

À ki jîsà nâbi nde na yi chyə a yi bân, biyani fê bânà wâ nè wûn, ma yi hi chwûtè na wù baha chyə kə a bɨn a finana.

Wùt we a wù mò a wut à yì fə̂m ni mò wùni? À mò we a wù tunhe na Jisòs wijə we a ghɨ chwoka lema. Nki wùt mu wûn mò bànà Klistù, tunhe Wan, fê tunhe kəbi Bì.

À tunhi nâbi nde Wan, ma à hi mô na wù ti tunhi Bì, à bimi nâbi nde Wan, ma à hi mô na wù bimi Bì.