Popular Bible Verses from 1 Jon 3

Share

Wana ma, kə ghàhnà hi kôŋà kə a tô yi jwô. Ghàhnà kəta hi tè chwùtì yi kôŋ a gha afa a ghàhnà nè, kôŋà kə nâ hamok.

Ghàhnà yena khɨle gha ye a kôŋì mò yini tohne a Jisòs Klistù te wù tì fo ngɨŋ à wûn hi kpû kum ghàhnà. Ghàhnà boŋa kəta hi tè mò hi fo ngɨŋsu ghàhnàsu hi kpû kum wana ne ghàhnà.

Ba ghàn ti yen te Yènfù chwùte kôŋì ha ghàhnà yi ghaka kə ni. Fu ti nî na ghɨ hi toŋte ghàhnà na wana Fùyènà. Yi mô kə nâ hamok. Ghàhnà mô wana Fùyènà. Ghɨt a mbye tà timi hì khə Yènfù, a ni mò gha ye a ghɨna khə wi ghàhnà.

À hì nê nâbi nde be ma wù hi mô wut à deblì beka deblì yisa nê kə a gha a be kə nâ a yìmi. Gha ye a Wâ Fùyèn tì bèna a mbyî mò hi bobhi fêt yi deblì.

Nâbi nde we a mò wâ Fùyèn chyə wijə a be beka wù kəta chyəna Fùyènà, wu bu hi fè nè be beka Yènfù mò Bè wûn.

Kôŋì Fùyènì shìki mô ha wùt, wu kəta mwə, yen a wâ nè wûn wu kəta wi biyani kwohe wi seni ha wûn ma kôŋì Fùyènì nê hi mô yàni ha wûn agha?

Ghɨt ghe a ghɨ nê te saktu wun tu jìsà chyə ghê wûn kə nâ hamok. Ghàhnà hi khə na fu chyə nì ghàhnà amok tohne a yohnà afa a wù fo ha ghàhnà.

A ni mò lum we a ghɨ yen a khɨle ghɨt ghe a ghɨ mô wana Fùyènà nì ghe a ghɨ mô wana deblì. Wùt we a wù nê wi gha ye a yi mô chilichili wijə wâ Fùyèn. We a wù kòŋà wi wâ nè wûn wù boŋa wijə wâ Fùyèn.

Ghàn tî yû tum yina kə a yìmi na, ghàhnà kəta hi tè kòŋà sù ngɨŋ.

Ghɨt a mbyî shìki bânà ghàn a wana noma, kə ghàn hi mô nì kani.