Popular Bible Verses from ETALEYEHINA 9

Share

Ati obeŋ nyia awoyo tulo 'daŋ, ninyia ofituno 'to jio ettigemita hunia, obusak arrohojita hunyia ihanie isi. Obeŋi nyia isi idehini amojo jio aminiaŋa iko jio arrijiorihien hunna arai 'to ayyel, abilat aboŋi, abilata ihuo efelek, amoruo iko etoi; isi arrijiorihien hunno obeŋi 'to omijie, itayirie kuyya adahai. Obeŋi nyia buo fe isi idehini ehanita hosi huno attohio, emimuala, asomon kuyya ahoho.

Attati namaa ittuna ifau to tua furo. Isiarani nyia jihosi ayili onno orriama agolon honyi iko ono etoni. Iramani nyia isi hèlaha ittarrohojie amiyaŋ kuyya ayyani kuyya obo ariŋ enne isur 'to isur. Ati oremehini isi iriafuna aati hama hullo obeŋi 'to owoni iko emoi Hollum ihomomite hosi.

Attati ajilo etamiyeti ihut afuruju honyi, ette ni igonyuna elelef odou tedou ifau. Isiori nyia jihonyi eŋanyit ono ewure onno obeŋ esidi.

Obeŋi nyia aŋatani amaa ania ittohori aati hulia, ati, ittigemiere isi ayafajin miyet. Orriama nyia adiaha enne ittigemierek isi iko ediahit hitoni.

Owon nyia loobu olo amaa ania, inyi ajilo erririani olo newure onno obeŋ esidi. Anya afure honyi te ekiana Ebrei, Abaddon, buo to Grik anya Apolion (onno ojio 'to jio, “Etatturoni”).