Popular Bible Verses from Ebrei 4

Share

Odua ekiana Hollum, ara inyi ihuo ariŋ enne isu 'to; ofi inyi bebe agalik ademi erremit onno owon 'to iko aŋacio arrihai. Orriomoro parras many iboŋi ono oloyiri iko oloholio, many ittulita hoi buo fe many ittulai. Omijak inyi egigilita tulo iko ewahiti hutto taji honyi.

Tania, héhutonia ta agolon tajia, iseger ilohittok Hollum ollo owon 'to iko ayiji taji jio oŋida bati efuotu amehino iko ayiji taji onno oremik 'to iluak hohoi jio asaa enne ewahari aluahio.

Ewon iko Ehumani elle ittokon ollo omijak 'to elik ottonohoi. Nyio, okemi nyia inyi te ekotia arriai ihuo hohoi, ati obeŋ nyia inyi iyyau.

Obeŋ obo ariŋ idima to hosiere Hollum. Asalanie erre 'daŋ ihosiere honyi, omijak inyi isi 'daŋ. Efuo adi luŋa iramana jihonyi erre 'daŋ hunne ehan 'daŋ ababo.

Hagottiette luŋa neruk ottonohoi, nyio, ewon iko Ehumani elle ittokon Agalik, alla afany 'to luŋa ihosiere Hollum; inyi Yesu, Lonyi Hollum.

Tania, hakiamata luŋa bebe ifuotuniere ayiri ania, ŋadi obo tehiji hohoi okuaharu ihuo hohonyiok hohoi hinyia okuaharai 'to ta abiaŋan eruk jihosi.