Popular Bible Verses from 1 Kor 13

Share

Nhiëër ee käŋ guum anande, ku apiɛth piɔ̈u, nhiëër acïnic tiɛɛl, nhiëër acïï rɔt ee leec, acïï rɔt ee tɔ dït, acïï kë cïï piɛth ee looi, acïï ka ke yenguöp ee kɔɔr, acie dap gɔ̈th, acïn kërɛɛc ee tak

Ee këriëëc guum, ee këriëëc gam, ee këriëëc ŋɔ̈ɔ̈th, ee yepiɔ̈u ruut në këriëëc.

acïï piɔ̈u ee miɛt kekë luɔi de kërac, ee piɔ̈u miɛt kekë yic.

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

Nhiëër acie dak anande. Ku na de guiëër ë wël nu, ka bï aa ciën naamde, ku na de liëp nu, ka bïk jɔ kɔ̈ɔ̈c, ku na de ŋïnydekäŋ nu, ka bï aa ciën naamde.

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

Ku na ya cak kɔc miɔɔc ë kakï kedhie, bï kek këcam yök, ku na ya cak guöpdï gam an, bï nyop ë mac, ku ciën nhiëër, acïn piath bä yök tëde ye.

Ɣɔn aa yɛn meth, yɛn ee jam cït man ë meth, ku yɛn ee käŋ piŋ cït man ë meth, ku yɛn ee käŋ tak cït man ë meth, ku ënɔn cän aa raan dït, ke ka ke mɛɛth acä ke pɔ̈l.