Popular Bible Verses from 1 Kor 12

Share

Ku tïc ee Wëidït tïc aye gäm raan ëbɛ̈n, luɔi bï kɔc këpiɛth aa yök thïn kedhie.

Ku wek ee guöp de Kërtho, ku yak ka nu ë guöpde yic, ŋɛk ee kë töŋë ku ŋɛk ee kë töŋë.

Ku të töök ë kë töŋ ë raan guöp, ke ka ke guöp kedhie ke ke jɔ töök në yen ëtök, ku të bï kë tök ë raan guöp gäm dhuëëŋ, ke ka ke guöp kedhie ke ke jɔ piɔ̈ɔ̈th miɛt në yen ëtök.

Ŋɛk aye Wëidït miɔɔc në jam ë pɛlënɔm, ku miɔɔc ŋɛk në jam de ŋïnydekäŋ, në Wëi manë gup. Ku miɔɔc ŋɛk në gäm, në Wëi manë gup, ŋɛk aye miɔɔc ë riɛl bï en kɔc tök tɔ dem, në Wëi manë gup, ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

Ku kake kedhie aye Wëidït töŋ manë ke looi, ago raan ëbɛ̈n tɛ̈k käŋ, ŋɛk ke këde pei, ku ŋɛk ke këde pei, acït man nu en ë yepiɔ̈u.

Ke ater cïï bï nu ë guöpic, ku bï ka nu ë guöpic röt tak akït kapäc.

Ku miɔ̈c akithic, ku Wëidït ee tök. Ku luɔi ee kɔc kony akithic, ku Bɛ̈nydït ee tök. Ku luɔi ee kɔc looi akithic, ku yen Nhialic töŋ manë yen ee këriëëc looi ëbɛ̈n ë kɔc yiic kedhie.

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

Ku raan guöp acïï yic ee tök, ade yic ka juëc.

Acie yen, ku ka nu ë raan guöp ka yok tɔ ye ka kɔ̈c, keek adhilkï nu aläldït

Raan guöp ëbɛ̈n, të ee yen nyin etök, ke pïŋ bï raan käŋ aa piŋ nu nou? Ku raan guöp ëbɛ̈n, të ee yen piŋ tei, ke kë bï raan aa ŋör adï nu nou? Ku ënɔɔnë, Nhialic acï käŋ tääu ë raan guöp kedhie, acït nɔn nu yen ë yepiɔ̈u. Ku të ee yen kë töŋë tei, ke raan guöp adï nu nou?