Popular Bible Verses from ކުލޫއްސީގެ މަސީޙީންނަށް ސިޓީ 3

Share

އަނެކާއާމެދު ކުރާނެ ޝަކުވާއެއް އޮވެއްޖެނަމަ އެކަން ބަރުދާސްތުކޮށް މަޢާފު ކުރާށެވެ. މާތްކަލާނގެ ތިޔަބައިމީހުންނަށް ވެސް މަޢާފުކޮށްދެއްވި ފަދައިން އެކަކުއަނެކާއަށް ތިޔަބައިމީހުން ވެސް މަޢާފު ކުރާށެވެ.

ތިޔަބައިމީހުންގެ ސަމާލުކަން ހުއްޓުވަން ޖެހޭނީ އެތަނަށެވެ. މިދުނިޔޭގައި ހުރި ކަންކަމަކަށް ނޫނެވެ.

ކުރާކޮންމެ ކަމެއް ނިކަން ގަޔާވެގެން ކުރާށެވެ. އެކަމަކީ މާތް ސާހިބާއަށްޓަކައި ކުރާ ކަމެއްކަމަށް ހިތައިގެންނެވެ. އެއީ އިންސާނުންނަށް ކޮށްދޭ ކަމެކޭ ނުހިތާށެވެ.

ތިޔަބައިމީހުންނަކީ މާތްކަލާނގެ ހޮއްވަވާފައިވާ ބަޔަކަށްވެ އެކަލާނގެ ލޯބިވެވޮޑިގަންނަވާ ބަޔަކަށް ވާތީ ތިޔަބައިމީހުންގެ ކިބައިގައި ހިތްހެޔޮކަމާއި، ރަހުމާއި، އޯގާވެރިކަމާއި، ހިތްތިރިކަމާއި، މަޑުމައިތިރިކަމާއި، އަދި ކެތްތެރިކަމުގެ ފޭރާމުން ފޭރާން ލާށެވެ.

އީސާއަލްމަސީޙުގެ ރިސާލަތު އޭގެ މުއްސަނދިކަމާއެކު ތިޔަބައިމީހުންގެ ކިބައިގައި އެކުލަވާށެވެ. އަދި އެކަކު އަނެކަކަށް އޭގެ ޙިކުމަތްތައް ކިޔައިދީ ވިސްނައިދީ ހަދާށެވެ. މިއާއެކު މާތްކަލާނގެ ކިބަފުޅަށް ޝުކުރު ދަންނަވައި މަދަހަ ސަނާ ކިޔައި ރޫހާނީ ލަވަޔާއި ތަރާނާތައް ކިޔަމުން ދާށެވެ. ތިޔަބައިމީހުން ކުރާކޮންމެ ކަމެއް މާތްސާހިބާ އީސާގެފާނުގެ ނަންފުޅު މަތީގައި ކުރާށެވެ. އެއީ އެކަލޭގެފާނު މެދުވެރިކޮށް ބައްޕާފުޅު މާތްކަލާނގެ ކިބަފުޅަށް ޝުކުރު ދަންނަވާށެވެ.

މި ހުރިހާ ކަމަކަށް ވުރެން ވެސް ބޮޑަށް ތިޔަބައިމީހުންގެ ކިބައިގައި ލޯބީގެ ފޭރާމުން ފޭރާން ލާށެވެ. އެއީ އަހަރެމެން އެންމެން އެކަކުއަނެކަކާއެކު ފުރިހަމަ ގޮތުގައި އެކުލަވައިގެން ތިބެވޭނެ ގޮތް ވުމަށެވެ.

ތިޔަބައިމީހުން ތިޔަ ވަނީ އީސާއަލްމަސީޙާއެކު އަލުން ދިރުވާފައެވެ. އެހެންކަމުން ތިޔަބައިމީހުންނަށް ވެސް ތިޔަ ވަނީ އާ ދިރުމެއް ލިބިފައެވެ. ތިޔަބައިމީހުން ސުވަރުގޭގައިވާ ކަންކަމަށް ހިތްއެދި ތިބޭށެވެ. އެތަނަކީ އީސާގެފާނު މިއަދު މާތްކަލާނގެ ކަނާތްޕުޅުގައި އިންނަވާ ތަނެވެ.

އަލްމަސީޙުގެ ފަރާތްޕުޅުން ލިބޭ ހިތްހަމަޖެހުން ތިޔަބައިމީހުންގެ ހިތްތަކުގެ މައްޗަށް ބާރުވެރި ކުރުވާށެވެ. އެހެނީ ތިޔަ އެންމެންނަށް ވެސް ގޮވާލެވުނީ އެއް ހަށިގަނޑެއްގެ ގޮތުގައި ދިރިއުޅުމަށެވެ. ވީމާ އަބަދުވެސް ޝުކުރު ކުރުން މަތީ ދެމިތިބޭށެވެ.

އެހެންވީމާ، ތިޔަބައިމީހުންގެ ހަވާނަފްސުގެ އެދުންތައް މަރާ ލާށެވެ. ފާޙިޝް އަމަލުތަކާއި ނުތާހިރުކަންކަމާއި ޝަހުވަތުގެ ބޭނުންތަކާއި އަދި ހުރިހާ ބާވަތެއްގެ ނުބައިވެގެންވީ ހިތުގެ އެދުންތަކާއި ދަހިވެތިކަމާއި ދުރުހެލިވެ ތިބޭށެވެ. ދަހިވެތިކަމަކީ ބުދަށް އަޅުކަން ކުރުން ފަދަ ކަމެކެވެ.

އެހެނީ ތިޔަބައިމީހުން ތިޔަތިބީ މިދުނިޔެއަށް މަރުވެފައެވެ. ތިޔަބައިމީހުންގެ އަސްލު ޙަޔާތް ވަނީ އަލްމަސީޙާއެކު މާތްކަލާނގެ ކިބަފުޅުގައި ރައްކާތެރި ކުރެވިފައެވެ.

ނަމަވެސް މިހާރު ތިޔަބައިމީހުން ތިބެންޖެހޭނީ ރުޅިވެރިކަމާއި، ރުޅިއައިސް ހަމައިން ނެއްޓުމާއި، ނަފްރަތު ކުރުމާއި ދެބައޮޑުވުމާއި ހަޑިހުތުރު ބަސްތަކުން އެއްކިބާވެގެންނެވެ.

އެކަކު އަނެކަކަށް ދޮގު ނަހަދާށެވެ. އެހެނީ ތިބައިމީހުންގެ ފާފަވެރި ތަބީޢަތުގައި ހުރި ހުރިހާ ނޭދެވޭ ކަންތަކެއް މިހާރު ތިޔަބައި މީހުން ވަނީ ކަނޑައި އެއްލާލާފައެވެ. އަދި އޭގެ ބަދަލުގައި ތިޔަބައިމީހުންގެ ގައިގައި މުޅިން އާ ތަބީޢަތެއް ލެވި އާވަމުން ދާނެއެވެ. ތިޔައިމީހުން އުފެއްދެވި ޚާލިގުވަންތަ ކަލާނގެ ތިޔަބައިމީހުން އެކަލާނގެ ސޫރަފުޅާ އެއްގޮތްވާ ގޮތުގެ މަތިން އާ ކުރައްވަމުން ދާނެއެވެ. އެއީ ތިޔަބައިމީހުންނަށް އެކަލާނގެ އަކީ ކޮބައިކަން ފުރިހަމަޔަށް އަންގަވައި ދެއްވުމަށެވެ.

ފިރިންނޭވެ! ތިޔަބައިމީހުންގެ އަނބިންނަށް ލޯބި ދޭށެވެ. އެކަނބަލުންނާ މެދު ހަރުކަށި ނުވާށެވެ.

ދަރިންނޭވެ! އަބަދުވެސް މައިންބަފައިންގެ ކިޔަމަނުގައި ވާށެވެ. މާތްސާހިބާ އެދިވަޑައިގަންނަވާ ގޮތަކީ އެއީއެވެ.

އަނބިންނޭވެ! ތިޔަބައިމީހުންގެ ފިރިންނަށް ތަބާވެ ތިބޭށެވެ. އެހެނީ އެއީ މާތް ސާހިބާ ރުހިވަޑައިގަންނަވާ ގޮތެވެ.