Popular Bible Verses from Romanos 3

Share

Ni'c nu'pʉjʉn jayajwat iwatcap mal, mit Dios ca-oyap iguipʉctsougʉs̈. Jinap Dios nas̈pʉctsougap ni'c nas̈wano'jcau mit nas̈moygau ayʉ̱́j favor we'nujyu ni'c Cristu Jesús itso̱c nama̱jlat pa nas̈libra̱tcáj.

Dios iyacs̈icninʉmgʉs̈p nu'pʉjʉn icupʉjcapay Jesucristu. Ni'c Dios niwe'nu igui-e'pcʉs̈ nu'pʉjʉn jayajwat, judíujat mit caje'jatway judíujat.

Dios i-ajyu't Jesús pa i-o'cwa'n pa iguitso'cwa'n nama̱jlat, pa we'n Dios oyap iguiperdona̱tcʉs̈ nu'pʉjʉn icupʉjcapay Jesús. Jat we'n pa najawiga ni'c Dios iwatp oy, ni'c je' ijtʉu calma mit ampay jayajwat, igacastiga̱tcʉs̈u mʉgʉc por ayé mal iwatcaway. Mit we'ney jinapay tiempu nas̈actujawigap ni'c je' iwatp oy mit iyacs̈icninʉmgʉs̈p jeme icupʉjcapay Jesús.

Ni'c Dios igapʉctsowáj nejʉmay jayau jeme pensa̱tpay pa puru ley iguicumplia̱twa'n. Ni'c ayé ley solo nas̈actujawigap ni'c nawatcap mal.

As̈am itsʉ̱na ja'yic Dios ilibruni'c: Ca-itp netu'c jayau yacs̈icway. Ca-itp pʉn i-is̈capay, ne ca-itp pʉn iche'mpay Dios iyacs̈ta'cway Nu'pʉjʉn icuyaguigau oyway to̱u, nu'pʉjʉn pichingau mal. Ca-itp pʉn iwatpay oy. Ca-itp netu'c.

Jemni'c najawigap ni'c Dios ipʉctsowáj tu'c jayau te icupʉcp Jesús, mit caje' te puru ley icumplia̱tp.

Caje' we'n. Dios siempre icumplia̱tp lo que inʉmpay, mit je' inʉmp iyacs̈ta'cway maja iwe̱tcawa'naj jayajwat. As̈am itsʉ̱na ja'yic Dios ilibruni'c, inʉmgajau Dios: Lo que inyʉmpay pichináj iyacs̈ta'cway, mit mipichináj oy cuandu jayajwat iwangáj is̈juzga̱tcáj.