Popular Bible Verses from Santiago 1

Share

Tʉnhermanujat, ma ji'jca injo̱jtat cuandu is̈mingajáj may pruebajat. Injawigap ni'c is̈mingajap pruebajat pa pi jawiga te micupʉjcap iyacs̈ta'cway, ni'c we'n oyáj is̈majmóyga más.

Te tu'c jayau mam intsʉ̱nga iguitogoyp pa iguijawiwa'n más, ma yo'jta Dios mit Dios iguimo'áj, ni'c Dios nas̈moygap pa najawiga nu'pʉjʉn, mit igache'cp nepʉn.

Tʉnhermanujat jeme tʉwangʉs̈pay, jawiga ni'c nu'pʉjʉn jayajwat ma cuji'cs̈iga iguimaraugawa'n, mit magacotsca jaran, ne maga-awa'niga-ey jaran.

Po siguiá̱tca majmóyga pa impichingawa'n oy, neti ma is̈catogoygac, pi tsʉ̱nga nu'tsic.

Po watca lo que inʉmpay Dios, caje' pa is̈maraugawa'nu, caje' inyiwe̱tcʉjʉwa'n mijchatu.

Tsʉ̱náj oy ayé jayau jeme imajmoypay pruebajat. Ni'c jeme pichimpay oy mit ayé pruebajat, ipʉctsowáj tu'c premiu, mit ayé premiu inʉmo'jcʉp vida cacʉs̈ámpay, ni'c Dios iprometia̱tp iguimoygʉs̈wa'n jeme je' iguiwangapay.

Dios yucmay nas̈moygap nu'pʉjʉn cosa oyway mit nu'pʉjʉn más oymanacway. Je' nas̈acmingajap nu'pʉjʉn, mit je' iyac nu'pʉjʉn ta'cs̈capay yucm. Mit je' catigatsp as̈am tu'c amu̱jʉc itigats.

Ni'c te tu'c jayau imarap lo que inʉmpay Dios mit igajayaumayp, ayé as̈am tu'c jayau jeme i-e'pay iwindugʉt is̈ticni'c. Ni'c je' ni-ís̈ʉu mit cʉs̈ nʉcs̈, mit pe'beto'gatu iguinijawiyo'jt nat ini-ís̈ʉj.

Jeme i-adora̱tpay Dios iyacs̈ta'cway mit camotic mit ma̱jlat mam Dios Nate̱jat igui-e'p ma wat yename: ma majyigʉs̈ cuya̱macwájat mit cu-o'cwájat cuandu iguitunas̈ca, mit ma nicuida̱jtʉ maganijijnʉ mit ma̱jlat itpay en ayʉ̱́j mundu.

Cuandu tu'c jayau tenta̱tic pa iguiwatwa'n mal, maganʉm ni'c Dios iguitenta̱tp. Ni'c Dios ca-oyap itsʉ̱na tenta̱tic mit ma̱jlat, mit je' igatenta̱tp nepʉn. Ni'c cada jayau tenta̱tic cuandu ijo̱jt iguiyo'jtap pa iguiwatwa'n mal, mit iguijo̱tju'p ayé ma̱jlat.

Ayé hermanu pro̱wijway ma ji'c ijo̱jt ni'c Dios igui-ajca's̈ʉ'cway.