Popular Bible Verses from AONEGA HEREVADIA 19

Share

Taunimanima ese palani momo idia karaia noho, to Lohiabada ena ura sibona do ia vara.

Bema ogogami taudia dekenai oi bogahisihisi henia neganai, oi ese Lohiabada dekenai oi heniatorehai noho. Lohiabada ese unai davana oi dekenai do ia henia lou.

Tau ta ena aonega ese haheauka ia henia noho, vadaeni ia badu haraga lasi. Bema tau ta ese oi dekenai ia kara dika, do oi laloaboio be kara namona momokani.

Bema oi ura bada diba do oi abia, bona sisiba oi kamonai henia noho neganai, oi ese dina ta aonega do oi davaria.

Lohiabada do oi gari henia, vadaeni mauri do oi davaria. Unai neganai oiemu lalona do ia namo, bona dika ta oi dekenai do ia ginidae lasi.

Aonega ia abia vadaeni tauna ese, sibona ena lauma ia ura henia noho. Laloa kehoa ia dogoatao noho tauna ese, noho namo do ia davaria.

Oiemu natuna idia maragi neganai, do oi matakani henidia. Bema unai bamona oi karaia lasi, idia sibodia ese edia mauri do idia hadikaia ore, bona unai dala be oi ese oi durua unai.

Kota lalonai hereva gwauraia koikoi tauna, be do idia panisia momokani. Hereva koikoi tauna be do ia mase ore.