Popular Bible Verses from AONEGA HEREVADIA 20

Share

Tau ta ena kara dika davana do oi henia lasi, to Lohiabada do oi abidadama henia, ia ese unai kara do ia hamaoromaoroa.

Iseda raka be Lohiabada ese ia hakaua bona naria noho. Unai dainai edena bamona ita sibona ese, iseda mauri ena dala do ita diba?

Lohiabada ena lamepa ese taunimanima edia laumadia ia tahua noho, bona tau ta ese iena lalona ia hunia diba lasi.

Taunimanima edia laloa gaudia be hunia, ranu dobuna bamona, to mai ena diba bada tauna ese, unai laloa gaudia ia davaria diba.

Taunimanima hadikaia totona hereva ia gwauraia tauna ese, hunia herevadia ia hunia lasi, to ia gwauraia hedinarai. Unai dainai hereva kavakava ia gwauraia noho tauna danu, do oi turana karaia lasi.

Heatu dekena amo ia raka siri tauna be do idia matauraia noho, to kavakava taudia ibounai do idia heai noho.

Bema tamana ta be kara maoromaoro tauna, bona iena kara ibounai, be mai laloa maoromaoro danu ia karaia neganai, unai tau ena natuna taudia, be mai moale danu do idia noho.