Popular Bible Verses from AONEGA HEREVADIA 12

Share

Laloa metau ese oiemu moale do ia koua, to hereva namodia ese oi idia hamoalea diba.

Matakani ia ura henia tauna ese, aonega ia ura henia noho, to sisiba hereva dekenai idia badu taudia be kavakava.

Ia hereva haraga tauna ena hereva, be tuari kaia ia gwadaia noho bamona, to aonega tauna ena hereva ese, taunimanima idia hamauria diba.

Kavakava tauna ese ia laloa iena dala be maoro, to aonega tauna ese sisiba do ia kamonai henia.

Kavakava tauna ese iena badu ia hedinaraia haraga noho, to laloa kehoa tauna ese, ia dekenai idia hereva dika henia neganai do ia laloa lasi.

Hahine namona ese iena adavana dekenai, matauraia bona moale ia henia noho, to iena adavana dekenai hemarai ia havaraia hahine ese, iena tau ia hisihisi henia noho, turia hamanokaia gorere bamona.

Lohiabada ese hereva koikoi taudia ia badu henia noho, to idia kara momokani noho taudia dekenai, Lohiabada ia moale noho.

Kara maoromaoro tauna ese, iena turana be dala maoromaorona dekenai ia hakaua noho, to kara dika tauna ese, iena turana ia hakaua kerere noho.

Hereva koikoi be nega sisina sibona do idia abia dae, to hereva momokani be do idia noho, ela bona hanaihanai.