Popular Bible Verses from AONEGA HEREVADIA 13

Share

Aonega tauna danu ia raka hebou noho tauna, be do ia aonega, to kavakava taudia danu oi turana karaia neganai, dika do oi davaria.

Iena uduna bibina ena hereva ia naria namonamo noho tauna, ese iena lauma ia naria noho, to iena hereva ia naria lasi tauna ese, sibona ia hadikaia noho.

Iena natuna ia kwadia lasi tauna ese, iena natuna ia hadikaia noho, to iena natuna ia lalokau henia tauna ese, iena natuna ia matakani henia noho.

Bema tau ta ia laloa gau namona ta do ia abia, to unai gau totona nega daudau ia naria kava, unai be lalohisihisi ia davaria noho, to bema unai tau ese, ia ura henia gauna ia abia neganai, moale momokani do ia davaria.

Kara maoromaoro ese laloa maoromaoro tauna, dika dekena amo ia naria noho, to dika ese kara dika tauna ia hamorua noho.

Abia kava moni bona kohu, be do ia ore haragaharaga, to iena kohu ia haboua metairametaira tauna, ese do ia habadaia.

Hekokoroku ese heai bona heatu ia havaraia noho, to aonega tauna ese sisiba ia tahua noho.

Tau namona be ia mase neganai, ia ese iena kohu be iena tubuna dekenai ia henia, to kara dika taudia edia kohu bona moni, be kara maoromaoro taudia ese do idia abia.

Aonega merona ese, iena tamana ena hadibaia hereva ia kamonai henia noho, to hekokoroku tauna ese, sisiba hereva dekenai ia kamonai lasi.

Hadibaia hereva ia kamonai lasi tauna, be do ia ogogami, bona mai ena hemarai danu, to sisiba hereva ia abia dae noho tauna, be do idia matauraia.