Popular Bible Verses from Әмтнә то авлһн 13

Share

Амалекин улс Негевд бәәцхәнә, хетмүд, евүсмүд болн амореймүд уулмудт бәәцхәнә, кананахн – теңгсин көвәд дәкәд Йордана эрг көөһәд.

Израилин улс дунд тедн үзсн һазрин тускар му зәңг һарһад бәәв. – Мадна йовад хәләсн һазр тенд бүүрлсн әмтиг зальгдг чигн! Тенд мана үзсн улс цугтан өндр ик нурһта.

Мошег бүслҗ зогсҗасн әмтиг Калев тогтнулхар седнә. – Йовад тер һазриг булаҗ авхмн! – гицхәв тедн. – Бидн тедниг диилхвидн!

Зуг Калевлә хамдан тиигәрән одсн улс зөвшәрсн уга: – Бидн теднлә дәәлдҗ чадшговидн. Тедн маднас чидлтә!

Паран көдәд бәәсн Кадеш тал ирәд, Мошед, Ахаронд болн Израилин улсин цуг хамцанд үзсән келҗ өгәд, тер һазра темсд үзүлцхәв.

Мошед иигҗ келцхәв: – Чини илгәсн һазрт бидн одвидн. Тер һазр үнндән үсәр болн балар байн. Теднә темсд эн!

Хәрнь, тенд бәәх әмтн чаңһ-чиирг, балһсднь ик, бат. Бидн тенд Анакин хөөт үйнриг чигн үзвидн!

Одсн һазриг кевтнь хәләһәд йовулгдсн улс 40 хонад хәрү ирцхәв.