Popular Bible Verses from Әмтнә то авлһн 14

Share

Зуг Деед Эзнә өмнәс бичә буцтн! Тер һазра әмтнәс бичә әәтн – бидн диилхвидн! Тедн эврәннь харслтан геецхәв, маднла болхла Деед Эзн. Бичә теднәс әәтн!

«Деед Эзн тесвртә болн хәәрлтә! Тер күүнә буруг болн килнциг даана, болв бурутаһинь бурута биш гиҗ Тер тоолхш. Эцкнрин һарһсн гемд үрдинь засглна, ачнринь, җичнринь засглна!»

Кемр бидн Деед Эзнд кергтә болхла, Тер мадниг тиигәрән күргх, тер үсәр болн балар байн һазриг маднд өгх.

Болв Мини мухла Калев седкләрн тиим күн биш. Нанд тер иткв. Би терүг ачлад үзәд медсн һазртнь күргнәв. Терүнә хөөт үйнр эн һазриг эзлх!

Теднд Нанас кел: «Бийәрн андһар тәвҗәнәв. Авхар седсән тадн Нанас авхит!

Мошед Деед Эзн келв: – Кедү цагтан эн әмтн Нан тал дурго болҗ хәләхмб? Тедн дунд Би өвәрц йовдл һарһсн бийнь Нанд итклго бәәхмб?

Израилин улс Мошелә болн Ахаронла керлдв. Тер хойрт хамцана әмтн келв: – Бидн Египетд эс гиҗ эн көдә һазрт үксн болхла сән болх билә!

Тер һазр хәләхәр одсн әмтнлә хамдан Навина көвүн Ешуа болн Ефунен көвүн Калев хойр хувцан шуулцхана. Тедн Израилин улсин хамцана әмтиг иткүлхәр келцхәв: – Мана йовад хәләсн тер һазр йир сән, йир сән!

Болв Бийәрн болн цуг һазр дүүргҗәх Эврәннь туурмҗар андһар өгчәнәв: Мини туурмҗиг болн өвәрц йовдл үзсн әмтн Намаг соңслго бәәцхәв, арв дәкҗ Намаг сөрцхәв. Тиим йовдлыг Би Египетд болн көдә һазрт үзүлләв. Теднә өвкнрт Мини андһар өгсн һазриг кен чигн күн теднәс эн һазриг үзшго! Нанд дурго болҗах улс терүг үзшго.