Popular Bible Verses from Матай 15

Share

Амар һарсн юмн күүнә седкләс һарад, күүг бузрдулдг мөн. Юңгад гихлә, күүнә седкл дотрас хар санан, аллһн-буллһн, күүнә авальта дерән негдүлһн, аля йовдл, хулха, худл герчллһн, хов зөөлһн һарна.

Әмтиг дуудҗ авад Исус: – Соңсад медҗ автн! Амар орсн юмн биш, амар һарсн юмн лавта күүг бузрдулна, – гив.

Эн улс хоосн амарн Намаг күндлнә. Теднә зүркнь Нанас хол бәәнә. Эдн күүнә ухалҗ һарһсн номиг Бурхна ном гиҗ дасхна. Эднә сөгдлһн юмн биш», – гиҗ Исус хәрү өгв.

– Чини сүзг ик! Эгч, чини сансн санаһар болтха! – гиҗ Исус келв. Тер агчмд күүкн эдгәд одв.

– Деед Эзн минь! Нанд нөкд болыт! – гиҗ күүкд күн саак ээрв. – Үрнәсн өдмг булаҗ авад, нохад хайхла, сән юмн биш, – гиҗ Исус келв. – Тиим-тиим, Деед Эзн минь, зуг Эзнә ширәһәс унсн хотын шавхрнь нохас иднә, тиим эсий? – гиҗ күүкд күн хәрүднь келв.