Popular Bible Verses from Матай 14

Share

Зуг салькн шүрүтәһәр үләсинь медәд, Пётр әәһәд, уснд чивҗ: – Деед Эзн минь! Намаг харсҗ авртн! – гиҗ хәәкрв. Исус һаран өгәд, терүг һараснь бәрәд, келв: – Итклчн баһ бәәҗ! Юңгад маһдлад бәәнәч?

Зуг салькн шүрүтәһәр үләсинь медәд, Пётр әәһәд, уснд чивҗ: – Деед Эзн минь! Намаг харсҗ авртн! – гиҗ хәәкрв.

– Энтн ки үзгдл! – гиҗ тедн чочад хәәкрцхәв. – Байрлтн! Бичә Нанас әәтн! Энтн бив, – гиҗ Исус тер дарунь ә һарв.

– Деед Эзн! Кемр Та мөн болхла, усн деегүр Танур йовх зәрлг өгхнтн! – гиҗ Пётр Исуст келв. – Йов! – гиҗ Исус хәрү өгв. Пётр оңһц дотрас һарад, усн деегүр Исус тал йовв.

Тенд бәәсн сурһульчнр Исусин өмн өвдглҗ сөгдв. – Та үнәр Бурхна Көвүн мөнт! – гиҗ тедн келцхәв.

– Эдниг йовулх керг уга, тадн бийстн эднд хот өгтн, – гиҗ Исус хәрүднь келв. – Манад юмн уга. Тавхн өдмг, хойрхн заһсн, – гиҗ сурһульчнр келцхәв.

– Түүгән Нан тал авч иртн, – гиҗ Исус келв. Исус әмтиг ноһан деер суулһад, тавн өдмг, хойр заһс авад, Бурхнд ханлт өргәд, өдмгиг хуһлҗ сурһульчнрт хуваһад өгв.

Терүг күн болһнд түгәҗ өгцхәв. Цуһар хотан эдлҗ цадцхав. Энүнә хөөн үлдсн хот арвн хойр савд багтҗ.