Popular Bible Verses from Matthew 15

Share

anima kā‑isi-pīkiskwēt ayisiyiniw, otēhihk anima ē‑ohcipayiniyik, ēkosi ēwako anima kā‑wīpācihikot ayisiyiniw. ayisk otēhihk kā‑ohcipayiniyiki maci-māmitonēyihcikēwina, nipahtākēwin, nōtiskwēwēwin mīna kahkiyaw pisikwātisiwin, kimotiwin, kiyāskiwin, mīna maci-āyimōmiwēwin.

namōya anima kīkway kā‑saskamot ayisiyiniw otōnihk ka‑wīpācihikow, māka anihi otōnihk kā‑wayawīmakaniyiki kā‑wīpācihikot.”

‘ōki ayisiyiniwak, kisē-manitow itwēw, tāpiskōc ē‑kistēyimicik kā‑isi-pīkiskwēcik, māka otēhiwāhk wāhyaw ohci niya. konita nimawimostākwak wiya ayisiyiniwa nayēstaw kā‑kī-osīhtāyit namōya niya anihi wiyasiwēwina kā‑nīkānastācik kā‑kiskinohamākēcik!’”

ēkwa Jesus ōmisi itēw, “iskwēw, tāpwē sōhkan kitāpwēwakēyihtamowin! kita-tōcikātēw kā‑isi-nitawēyihtaman.” ēkosi ēsa, tāpwē miywāyāyiwa sēmāk otānisa.

māka pē‑ocihcihkwanapīstāk anihi iskwēwa ēkwa itik, “kā‑tipēyihcikēyan, wīcihin!” Jesus naskwēwasimēw ē‑itāt, “namōya miywāsin kita-maskamihcik awāsisak omīciwiniwāw ēkwa atimwa kita-isi-wēpinamāmiht kita-mīciyit.” “tāpwē, kā‑tipēyihcikēyan, ahpō atimwak mīciwak otōkimāmiwāwa iskwascikana kā‑isi-wēpinamākocik,” itik ēsa.