Popular Bible Verses from Matthew 16

Share

Jesus ēkwa itēw okiskinohamawākana, “kīspin awiyak niwī-pimitisahok piko ēkāya kita-māmitonēyimisot, piko kita-nayōmāt otayamihēwāhtikwa ēkwa kita-pimitisahot.

ēkosi kiwīhtamātin, kiya ōma Peter: asiniy kiya, ēkosi ōta kā‑āyītastēk asinīhk ka‑pasikōnamān omāmawi-tāpwēhtamowak otayamihāwiniwāw, ēkwa namwāc ahpō wīhkāc nipiwin kita-kī-sākōcihtāwimakan.

kihci-kīsikowi-tipēyihcikēwina ohci āpihkwahikana kika-miyitin. kīkway ēkāya kā‑pakitinaman ta‑tōcikātēk ōta askīhk namwāc ka‑pakitinikātēw kihci-kīsikohk, ēkwa kīkway ka‑pakitinaman ta‑tōcikātēk ōta askīhk pakitinikātēw kihci-kīsikohk.”

ayisk awiyak ē‑kakwē-pimācihisot namōya kita-ayāw pimātisiwin ēkwa awiyak pakitinahki opimātisiwin niya ohci kita-ayāw tāpwē pimātisiwin.

kīspin ayisiyiniw kī‑kāhcitinamāsot kahkiyaw kīkway ōta askīhk māka kita-wēpinahk opimātisiwin, kīkway cī kita-ohtisiw? namōya kīkway ayāw kita-ohci-ayāt pimātisiwin kīhtwām.

ēkwa ōmisi itēw, “kiyawāw māka, tānisi ē‑itwēyēk awīna niya?” Simon Peter ē‑naskwēwasimāt itēw, “kiya ōma nawasōnākan, okosisa kā‑pimātisit kisē-manitow.”

ēkosi ēsa itēw Jesus, “kisawēyihtākosin, Simon, John okosisa. namōya ayisiyiniw ōma kā‑wāpahtihisk, māka nohtāwiy kihci-kīsikohk kā‑ayāt.