Popular Bible Verses from Isaiah 40

Share

A gimte tha guana a thanemte’ vangliatna a khangsak hi.

Khangnote nangawn gimin tawl uh a, khanglaite muktu in a puk uh hi; ahi hangin TOPA tungah lametna a neite a tha uh a dim kik ding hi. Amaute muvanlai bangin a kha un lengto ding uh hi; tai ding uh a, gim lo ding uh hi, lampai ding uh a, a bah kei ding uh hi.

Thei nai lo na hi uh hiam? Za nai lo na hi uh hiam? TOPA pen tawntung Pasian hi a, leimongte Piangsakpa ahi hi. Amah gim loin tawl lo dinga ama theihtelna kuamah in a lamteh thei kei ding hi.

Aw khat in: "Sehnel-gam ah TOPA b pai nading lampi sial un, gampalak ah Pasian c adingin lam lianpi na tangsak un.

Lopate vulin pakte a pulh hi, ahi hangin eite Pasian kammal kip tawntung hi," hong ci hi.

Tua ciangin TOPA minthanna kilaak dinga, mihing khempeuh in a mu ding uh hi. Ahang in, TOPA kam in a gensa ahi hi.

Kuam thuk peuhmah kivukdim dinga, muallian le mualneute peuhmah a kiniamsak ding hi; lei puamna munte kimaihtam dinga lei phok munte kitamsak ding hi.

Tuucingpa bangin a tuuhonte vaka, tuunote a ang sungah khawmin amaute dawm mahmah in pua dinga; a no neite damdamin a masuan hiathiat ding hi.

Dakto unla vante en dih un. Hihte khempeuh kua piansak ahi hiam? Amah in aksi honpite khatkhatin suaksak a, a min ciatun a sam hi. Ama vangliatna le thahatna hangin amaute khat beek a mangthang kei hi.

Amah leitung kimvel tungsana tupa hi a, leitunga mite kauphe tawh a kibang hi. Amah in vante, tungzakpuan bangin zala, ten nading puanbuk bangin a zal hi.

Jerusalem tungah awnemin gen unla ama tungah tangko un. Ama nasep haksapi kimansiang ta a, a mawhna thaman kipia khin hi; amah in TOPA khut panin ngah a, a mawhnate khempeuh a zah nihin kithuk hi.

Aw khat in, "Kiko in," hong ci hi. Tuateh, "Bang kiko ding ka hiam?" ka ci hi. "Mi khempeuh lopa tawh kibang a, amau minthanna khempeuh gamlak pak tawh kibang hi. TOPA huu in amaute mut ahi manin lopate vulin pakte a pulh hi. Mite lopa hi takpi hi.

En un, a Lianpen TOPA vanglian-in hong pai-a, a bante in ama adingin a uk hi. En un, a pahtakman hong kenga a lohkikna hong keng hi.

Hehnem un, ka mite hehnem un, note Pasian in hong ci hi.

Kua in a khutkuakin tuite teh a, vante a zapekin ciamteh ahi hiam? Kua in leitung leivui lawh ah guangin mualliante a tehna-in khai a, mualneute tawi teh ahi hiam? Kua in TOPA’ lungsim a theitel a, ahikeh thulakpa bangin amah lamlak ahi hiam? TOPA in amah a phawksak dingin kua donga, kua in lammaan hilh ahi hiam? Theihna a hilh ahikeh theihtelna lampi a lak kua ahi hiam?