Popular Bible Verses from Thupiakkikna 7

Share

Tua ahi ciangin TOPA note Pasian pen Pasian ahilam thei un; amah a muanhuai Pasian hi-a, amah it-in a thupiak a zuite tungah ama itna thukhun khang tulkhat dongin a kiplet hi.

Ahang in, TOPA note Pasian tungah a siangtho mite na hi uh hi. TOPA note Pasian in lei maitanga mi khempeuh panin ama mi suakin, ama gou neih dingin note hong telkhia khin hi.

Amah in salsuahna gam panin hong tan-a, Egypt kumpipa Pharaoh vangliatna panin a thahat khut tawh hong paikhiatpihna in, TOPA in note hong it man le na pute uh tungah kamciamin a thuciamna a zuih hang ahi hi.

Midangte sangin note na tamzawk mahmah manun TOPA in note hong ittuama hong teel hi lo hi, ahang in minam khempeuh lakah a tawmpen na hi uh hi.

Midangte sangin note thupha hong kipiazaw dinga; na mite uh numei ahi a pasal ahi zongin ta nei lo om loin na ganhingte uh zong a ciing a om kei ding hi.