Popular Bible Verses from Thupiakkikna 6

Share

TOPA note Pasian na lungsim khempeuh, na hinna khempeuh na hatna khempeuh un it un.

Na tate uh limtakin ciamtehsak un. Inn ah na om uh ciang; lam na pai uh ciang, na lup uh ciang, na thawh uh ciangin amaute genpih un.

Tuni-a kong piak hih thupiakte na lungsimun vom un.

Israel aw za in: TOPA eite Pasian, TOPA in khat b ahi hi.

Tuate na khutuah lim bangin hen unla na taltang uah suang un.

Na inn kongkhuamte le na kongpite uh tungah tuate gelh un.

TOPA note Pasian kihta unla ama na bek semin ama min ah kiciam un.

TOPA note Pasian in na pate uh, Abraham, Isaac, le Jacob tungah note piak dinga a ciamsa gam - gamzaipi, note phuh loh a etlawm mahmah khuapite, note khol loh na hoih khempeuh tawh a dim innte, note tawh loh tuikhukte le na suan loh uh lenggui le olive huante omna ah hong puakin - tuate ne a na kham uh ciangin salsuahna gam Egypt pan hong paikhiatpih TOPA na mangngilh khak ding uh kidawm un.

Hih thupiakte, thukipte le thukhamte, note in Jordan kantanin na lak ding uh gamah na zuih dingun kong hilh dinga TOPA note Pasian hong piak ahi hi. Tua in note le na tate uh le amau khita suak a tate uh tawh hih kong piak thukipte le a thupiakte zui-a TOPA note Pasian kihta in na nuntak uh sawtpi nuam nasak nading uh ahi hi.

Note adingin a hoih nading le TOPA kiciama na pute uh tunga a ciam gam hoih na luah theih nadingun TOPA muhna ah a hoih le amaanin gamta unla

na zuih uh leh note laka om TOPA note Pasian a aam Pasian hi a, a hehna in note hong kangin, lei maitang panin hong susia ding hi.

Note kim-a om midangte’ pasiante nung zui kei un

Massah a na hih bangun TOPA note Pasian zia-et kei un.