Popular Bible Verses from Thupiakkikna 5

Share

TOPA note Pasian hong piakna gamah sawtpi nungta-in na nopsak theih nadingun TOPA note Pasian hong thupiak bangin na nu le na pa pahtawi in.

Na lak ding uh gamah daupai-in na khanto nadingun TOPA note Pasian hong thupiakna lampi ah kalsuan un.

Tuate bia in na kun kei ding uh hi; ahang in, keimah TOPA note Pasian a aam Pasian ka hi hi. Kei hong mudah a pate uh mawhna hangin khang thum khang lina dongin a tate tungah ka thuka, ahi hangin kei hong it a, ka thupiakte a zuite tungah khang tul dongin ka itna ka lak hi.

"Note in tunga van ahi a, nuai-a lei ahi a, leinuai tui sungah ahi zongin a om na khatpeuh tawh kisunin lim na bawl kei ding uh hi.

"Note in ka mai-ah a pasian dang na nei kei ding uh hi.

"TOPA note Pasian min na zangkhial kei ding uh hi, ahang in, TOPA in ama min a zangkhialte a mawhsak pelmawh ding hi.

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

"TOPA note Pasian hong thupiaksa bangin Sabbath ni siangthotakin tang un.

"Na vengpa zi deihgawh kei in. Na vengpa inn ahi a, a leitang ahi zongin; a nasemnu ahi a, a nasempa, a bawngtal, a laa le na vengpa tawh kisai na khatpeuh ahi zongin deihgawh kei in," a ci hi.

"Angkawm kei in.

"Na vengpa langah a maan loin teci pang kei in.

"Tual that kei in.

"Gu kei in.

Note Egypt ah sila na hina uh le TOPA note Pasian in tua lai pana a thahat khut le a zankhiat ban tawh hong paikhiatpih ahilam phawk un. Tua ahi manin TOPA note Pasian in Sabbath ni na tan dingun thu hong pia hi.

Niguk sung na semin na sep ding teng uh sem un, a ni sagihna ni ahi leh TOPA note Pasian Sabbath ni ahi hi. Tua ni-in na nasemnu, na nasempate uh no mah banga a tawlngak theih nadingun no na hi uh a, na tanu na tapate uh ahi zongin, na nasemnu, na nasempate uh ahi a, na bawngtal, na laa le na ganhingte khatpeuh ahi a, no huang sunga om mikhual khatpeuh ahi zongin na na sem kei ding uh hi.

"Keimah in na salsuahna uh Egypt leitang panin note hong paikhiatpih TOPA note Pasian ka hi hi.