Popular Bible Verses from Thupiakkikna 4

Share

Tua lai panin na lungsim khempeuh uh le na hinna khempeuh uh tawh TOPA note Pasian na zon ciang bekun na mu ding uh hi.

Bang hang hiam cih leh TOPA note Pasian in mi a lainat Pasian ahi manin amah in note hong nusia lo dinga hong susia loin kiciamna tawh a kipsak uh, na pute uh tawh a thukhun a mangngilh kei ding hi.

Ahang in, TOPA note Pasian in a haltum mei, a aam Pasian ahi hi.

Kidawm tapeuh un, na nuntak laitengun na mit ua na muhsate uh na mangngilh loh nading uh le na lungsim uh tawh a kipelh loh nadingin no le no kikem cinten un. Na tate uh hilh unla amau zong a tate uh hilhsawn uh hen.

Tuni-in tunga van le nuai-a lei ah TOPA in Pasian ahina note lungsim ah theicianin ciamteh un. Adang khat beek a om kei hi.

TOPA eite Pasian tungah thu i nget peuhpeuh ciangin i kiangah a om bangin, amau pasiante a kianga om bang minam lian om ahi hiam?

Note tungah hih na khempeuh hong tungin na lungdon khit uh a ni nunung ciangin TOPA note Pasian kiangah na kileh kik ding uh a, ama thu na mang ding uh hi.

Note kong thupiak banah behlap kei unla zong dokkhia loin note kong piak TOPA note Pasian thupiakte zui un.