Popular Bible Verses from Psalmyn 143

Ynsee dou dy yannoo dt’aigney, son she uss my Yee: lhig da dty Spyrryd graihagh mish y leeideil gys y cheer dy chairys.

O lhig dou clashtyn dty chenjallys-ghraihagh leah ’sy voghrey, son ayn-yds ta my hreishteil: jeeagh dou yn raad ayn lhisin gimmeeaght, son hoods ta mee troggal seose m’annym.

Livrey mee, O Hiarn, veih my noidyn: son hoods ta mee chea dy my choadey.

Niartee lhiam, O Hiarn, er graih dt’Ennym: as er graih dty ynrickys, jean m’annym y reaghey ass seaghyn.

Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys

Eaisht rhym, O Hiarn, as shen dy-leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Agh foast ta mee cooinaghtyn er y traa t’er n’gholl shiaghey; ta mee smooinaghtyn dy-dowin er ooilley dty obbraghyn: ta mee dy-jarroo baarail mee hene ayns obbraghyn dty laueyn.