Popular Bible Verses from Jabura 31

Share

Alatala la lannante mɔgɛnu, wo bɛ ni a kanu. Alatala si mɔgɛnu makanta le minnu be tola a la ko tɔ. A ni fan nakoloyalanu sɔŋɛ lasaagi anu ma a koroŋɛ la.

Kɔnɔ nde, n be yige saren ile Alatala le ma, n ko: «N Marige Ala mu ile le la.»

I ni foniyantenu da balan, anu ni ma bobe la! Kɛ fan nakoloyalanu be kumala telenbaganu ye wasumanteya la anun fɛɛya la.

N bata foniyanu siyama mɔɛ, anu be min fɔla n kunma, masibɔ koe be n namilinden dula bɛ tɔ. Anu ka ɲɔgɔn yen wagate min tɔ, anu bɛnta n kunma anu ni n faga.

I ni i tolomasɔ n na; ee n nakisi teriya la! I ni ma n ɲɛ fata sɛnbɛma la, anun tatta la, min si n nakisi.

Anu be jule min yɛlɛren n ɲatɔ, i ni n bɔɔ wo tɔ, bayi i mu n nakisilá le la.

N be a miraren nun n hakkile tɔ, n ka a fɔ n ko: «N bata bee kabɔɔ ile Alatala ɲakɔtɔ.» Kɔnɔ n to ka n kulɛ labɔɔ i ma wagate min tɔ, i ka n na mamataran kulɛ bɛ mɔɛ le.