Popular Bible Verses from Rom 5

Share

Maa dɛ ŋɔ nɔ, hé na ɡɛ Korowii tea aa dɛ domɛ nɛwɛnyini nɛ. Gɛ saŋ ya taa ɛ wechɔɡ-ɛɛra la, a taa Yeesu Kristo lɛ ya seo sewɛ.

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile. Bambile dɔe nɔ taa aa ba cheɡa, ásɛ dɛ Korowii daah yaa na naa, ya waa won dɔ kasinteŋ. Ya waa dɔ kasinteŋ Korowii be naa, an dɛɛ ba ɡela ya dɔ hwɛɡa.

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ. Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

Yeesu Kristo seo taa a che asɛ Korowii ɡel ya ɛ nɛndɛɛɡa ya waa su o siwi. Aah dɛ Korowii bwaawee baa ir nɛra nɛ aa, a te taa Yeesu Kristo aa wola won lɛ yaa aa?

Dɛkalkɛŋɔ ɡɛ nɛmbeŋkpoŋ deŋnekpeɡ aa ɡela nɛra bwa ɛ wechɔɡ-ɛɛra la, ɡɛɛ a che nɛmbeŋkpoŋ pwɛre waa doa ta, asɛ Korowii lɛ nɛra kɛrɛdɛ kɛ nɛndɛɛɡa ba waa su o siwi.

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.