Popular Bible Verses from Rom 6

Share

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

Gɛɛ a chɛ kɛ he kpɔ he te kɛŋɔ he ne wechɔɡa toole wobɛlbwa bini kpa kɛ nɛn aa sewa la. He ne Yeesu Kristo aa pɛa la nomanta, a chɛ kɛ he jemɛ kɛŋɔ Korowiirii he do le tɛ.

Taraken nɔ, ɛrɛɛ yaa ba ŋɔe yɔ? A chɛ kɛ ya na dɛɛ ɛ wechɔɡa tɔpere bɛlbwa, ásɛ Korowii ɛɛ na ya sum, dɛ́ kpɔ dɛɛ kɛ yaa tɔpere bɛlbwa kɛɛ? Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Kɛ he jemɔ kɛŋɔ dɛ he kpɔ he te do nomɛl nɔn ta ŋɔ on dɔ heya aa, dɛ on dɔ heyaa kenɛ? He kpɔ he te tɛ wechɔɡa aa, hɛɛ dɛɛ ɛ wechɔɡaa ásɛ dɛ sewɛ. He kpɔ he te tɛ Korowii dɛɛ no o be naa, wɛɛ lɛ heyaa kɛ nɛndɛɛɡa, ásɛ he waa su o siwi.

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ, Korowii le heyaa wechɔɡa yawa a fa aa yawɛ heyaa yom la ta. Taraken nɔ, he berɛ yoma dɛ tɛ wedɛɛɡa ɛɛ.