Popular Bible Verses from Wepila 13

Share

Dɛ he dɔ wejema aa, no. Nomɛlbwa waa dɔ liire dɛ́ won jemɛ olchɔɡe la namba la mun la, ó lii. Onee 666, o ɛ nɛn sɔn.

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

O ɡelɔ ba do nomɛlbwa, ne nɛmpɛɛne ne nɛnjena, ne dɔɔhna ne nyaara, ne yoma dɛ nɛra baa wola yoma ɛɛ, nso ba nɔndiɡ ta kɛɛ ba tili ta. Dɛ nomɛlbwa ta nso la dɔe yaa, o ta ŋwɛnɛ dɔe kɛŋɔ ó yawɛ kon kɛɛ ó yoɡ komɛlbwa. Nso la ɛ namba waa cheɡa tɛ olchɔɡe la sɔn.

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la. Baa mao tonɛ la, Korowii tɛ olchɔɡe la waa teŋa nɛɛ la ŋwɛnɛ o tɛ kon la baa mao la hweera o won dɛɛ bol wa. Olchɔɡe nɛɛte la ŋɔ bá kpoo nɛra baa wola sɛh dɛ́ tomɛ kon la baa mao la bwa.

Olchɔɡe la maa nao la le noniete, o nakpale ɡe le sisire nakpale, asɛ o nyoa ɡe le nyujente nyoa. Asɛ kontuuɡi damanta la kpɔ o kpeɡri ne o kora ne o nomonome kohona waa dɔa la bwa tɛ olchɔɡe la.

Korowii ta on ŋwɛnɛ tɔe. O ɡelɔ wɛɛ bol wejena ne nɛnhɛlwa, dɛ ɡel o dɔ kpeɡri dɛ́ won ɛa korobie fifraanaarɛ dɛ anɛ.

Olchɔɡe la nyuune la bɛl ɛo kɛŋɔ ba fa aa doo bol o sewɛ dɛ ir, asɛ bol la tonɛ. O waa ɛ nɛra bwa nyokpoa ba teŋɛ o nɛ.

Belaa n berɛ na olchɔɡe bɛl kɛŋɔ onɔ la, o ɛɡɛ dɛɛ le harɛ bini. O dɔ nyeɡlare anɛ kɛŋɔ pebale ken, o taa do kɛŋɔ kontuuɡi damanta taa ken. Loɡle olchɔɡe la kpɔ o kpeɡri bwa tɛo, o che o naa ta dɛɛ ɛ wejena, dɛ ɡel nɛra bwa baa lɔ harɛ ta la ɛɛ duu loɡle olchɔɡe la ba fa aa doo bol o sewɛ dɛ berɛ ir o bol la tonɛ la.