Popular Bible Verses from Wepila 12

Share

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”

Asɛ laa chole Korowii doa. Maekel waa ɛ nyundua toroma la bwa nomoa la ne o dɔm kaa pu kontuuɡi damanta la ne o ɡe bala ba yo

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

N na wejena ane aa ɛ nyokpo wa dɛɛ baɡle waane Korowii doa. Haah bɛl kpɔ wee tɔ, dɛ kpɔ korobie ɡe do o nakpale lɔɡre, dɛ ɡuɡri weweela fi dɛ anɛ pi o nyu, kɛŋɔ kooɡbɛrɛ ken. Haah la tea beɔ, loltea lɔɔ wɛɛ ba lola dɛɛ dooɡe lɔŋɔre.

Haah la lolɛ bibaa waa dɛ ba kpeɡri kpɔe dɛɛ nyiŋi harɛ nɔ ta nɛra bwa nɛɛ aŋwɛnɛ ta. Waa lolɔ la, ba lao kee kaa Korowii be o do o kookara la bɔr. Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta. Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa. Kontuuɡi damanta la aa ti haah la, o pili o nyoa dɛ uɡe nee a ɛ kɛŋɔ nepale dɛ́ fee palɛ haah la kaa. Kɛ harɛ cha haah la, dɛ pere, dɛ kpɔ nee la bwa nyɔ.