Popular Bible Verses from Wepila 14

Share

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Toorote ɡe iro teŋɛ banɛ la nɛɛ dɛ kpɔ takpeɡ dɛ ŋɔ, “Dɛ nomɛlbwa sɛoh dɛɛ tomɛ olchɔɡe la ne o chaa la baa mao la, dɛ ɡel ba doo nso o tile ta kɛɛ o nɔn ta naa, onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie, ásɛ chuu le bela baa dɛ na hɔhɔrɔwa la dɛɛ kaa nyundua saŋ bɛlbwa. Nɛra baa dɛ tomɛ olchɔɡe la ne kon la baa mao la, ne nɛra baa kpɔ o sɔn do ba nso la, baa hɔhɔrɔwa la taa le bwa, dɛ́ɛ na waa chɔɔ ne jwaana.”

Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”