Popular Bible Verses from Wepila 11

Share

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Asɛ tɔpera atoro ne fah habɔɔ la, hweera le Korowii be, dɛ jo ba nɛɛ ba dɔ mkpa dɛ ir, asɛ ɔmee lawɛ nɛra baa cheɡa dɛɛ nyiŋ ba la taeh.

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.

Gɛ nɛra banɛ nɔɔ ɔleve daa anɛ ne kandea daa anɛ a cheɡɛ harɛ bwa Dɔɔ la sie la che tɛ la. Dɛ ba dɔm bɛlbwa ŋɔ o ɛɛ ba wechɔɡa aa, nii ɛɛ le Korowii danseɛ tena la nyooree, dɛ́ kpo naate. A ɡɛ seo nɔɔ nomɛlbwa waa ŋɔ ó ɛɛ ba wechɔɡa la ɛɛ ba sewa.