Popular Bible Verses from Kolose 2

Share

Abla ɛ, kiliɛ gi mlɛzi Kristo Yesu ŋwisi Ɔkaɛ kinɛ ɛ, niteme ke lilɛ si mlaga ní likpɔkpɛkpɛ mɛ ni yɛ, tɔ mledzi banɔ gi ba igu ne idɔ ní yɛ mɛ ɛ, tɔ mlawa mlɔ ligbã́ nɛ atrɔ ní yɛ aʋa, atɔ mleze gagla ní kuziŋa mɛ, kiliɛ gi bɛbasɛ mlɔ ɛ, tɔ mleyi agbigba ni ɖase kudodo.

Mledi lɛ aʋa tɔ ɔnɔnɔ ɔkimeni mlo evu gani kelea mɛ kuboeteo ni kemeno pluplu gi kuʋíbu libi itɔtɔ mɛ ɛ, lɛ ese linu si kuboete uliɔ kunu ikɔ̀ gi banima bizɛɛbasɛ ɛ, ani kelea mɛ bidɔbasɛbasɛ gi bídɔ ní Kristo me e.

Gi mletse ní mlɔ eboe zimizi na mɛ ɛ, xe mlámɔ ɔwla dɔni eboe zimizi na kigaglaɛ ese e, gi lɛ ese linu si bátsa ɔyaʋi aki mlɔ ɛ, Aya aki si mledzi ligbã́ ni Kristo. Akɔ blɔ eboe zimizi na petee akyɛ blɔ, gi akyì ode e akpɛ ní ɔsã nɔ gi bɛŋwlimi i mɛ, nì lɔ kudetsítsi yo ni kedu alia gi biyɔ ni blɔ su mɛ ɛ; akɔ ʋɛ asɛ ní blɔ su lɛ eku ʋe ni osetsase lo su u.

Lɛ ese linu si Aya yɛ kizeze me petee kikpasi ní Kristo me ŋwisi ɔnɔ kinɛ ɛ, lɛ Aya aki si mlɛna ní kidɔ kakaa mɛ ɛ, xe mlɛkpɛ likpɔ ní Kristo o, gi yɛ ɛɛŋa kigagla kakaa ni kukaŋaŋa kakaa aʋa ɛ.

Lɛ loso mlakíki tɔ ɔnɔnɔ obu mlɔ lipɔ ní mlɔ kiŋaŋa loo biŋwɛŋwɛ, loo ní liwe ŋaŋa loo ɔdzidzi vuvu yɛ loo Lizemɔniwe le su. La ya elue enu gyesi gi Aya aki yɛ banima a ní Kristo kubaba su; pɔ́ liboe le ɔtutɔ lɔ linu Kristo o.