Popular Bible Verses from Yocwa 6

Share

Rwot te kobbi Yocwa ni, “Nen, doŋ amio Jeriko oko ciŋi, karacel kede rwottere kede jo luŋ atek i lweny.

Kare ame gin okuto tuŋ romo kun ri nakanaka, oyot ka iwinyo wunu opel kun kok kittono, lwak luŋ bino putte i woo kun owo i twon dwonnogo aloŋo; cel me Jeriko bino ŋoye piny luŋ, jo luŋ bino wot iye kun ŋat acel acel tiko nyime atir.”

Jo luŋ ame romo lweny bino dorre mano boma man tyen acel; ibino bedo timo wunu kittono pi nino abicel.

Olamdog abiro bino mako apel abiro me tuŋ rommi kun owoto kede i nyim canduk. I nino me abiro mere ibino dorre imanno wunu boma man tyen abiro kun olamdog kuto apel.

I kare-nono onwoŋo rik ocego Jeriko atek meicel, anaka oko mere, me ŋattoro kur donyo oko dok dano daŋ kur dony i yie.

Tyen me abiro mere, i kare ame olamdog doŋ okuto apel. Yocwa te kobbi jo ni, “Wo wunu doŋ, pien Rwot doŋ omiowa boma oko.

Boma kede jami luŋ a tye iye obino jalo luŋ baŋ Rwot me aneka. Rakab ame alaya keken, kede jo luŋ a tye i ot baŋe, en ame bino bedo kwo; pien en a rik okano jo ame ocwao me roto piny.