Popular Bible Verses from Tơlơi Bơrơđah 9

Share

Đơ ƀing mơnuih dŏ glaĭ, jing ƀing ƀu djai ôh yua kơ tơlơi răm rai anŭn, ăt ƀu kơhmal ôh kơ bruă tơngan ƀing gơñu ngă, kŏn lui lơi tơlơi kơkuh pơpŭ kơ yang sat, kơ rup trah ngă hăng mah, hăng prăk, hăng kong, hăng boh pơtâo, laih anŭn hăng kơyâo, khul rup trah anŭn ƀu thâo ƀuh, ƀu thâo hmư̆ laih anŭn ƀu thâo rơbat lơi. Ƀing gơñu ăt ƀu kơhmal ôh kơ tơlơi ƀing gơñu pơdjai mơnuih, kơ tơlơi ngă pơjâu, kơ tơlơi rih răm ƀôdah kơ tơlơi ƀing gơñu klĕ dŏp.

Mơ̆ng asăp apui anŭn hmâo khul kơtop tơbiă pơr bra hyu tar ƀar amăng lŏn tơnah, laih anŭn arăng brơi tơlơi dưi kơtang kơ ƀing gơñu kar hăng tơlơi dưi kơtang kơ aguăt ƀơi lŏn tơnah. Arăng hmâo pơtă kơ ƀing gơñu anăm ngă răm rai ôh kơ rơ̆k ƀơi lŏn tơnah, khul mơnơ̆ng săt mơtah laih anŭn kơyâo pơtâo, samơ̆ kơnơ̆ng ngă răm kơ ƀing mơnuih ƀu hmâo ôh mơnơ̆ng Ơi Adai kơđŏm ƀơi athơi gơñu đôč.

Ling jang tal rơma ayŭp tơdiăp, kâo ƀuh sa boh pơtŭ mơ̆ng adai lĕ trŭn ƀơi lŏn tơnah, arăng brơi kơ pơtŭ anŭn kơmla kăl hlŭng dlam.

Arăng brơi kơ ƀing gơñu dưi ngă pơtơnap ƀing mơnuih amăng rơma blan, samơ̆ ƀu dưi pơdjai ƀing gơñu ôh. Tơlơi ruă nuă ƀing gơñu ngă jing kar hăng tơlơi ruă nuă aguăt duĭ.

Ling jang kơ hlŭng dlam jing pơtao kơ ƀing gơñu, anăn ñu amăng tơlơi Hêbrơ jing “Abadôn”, laih anŭn amăng tơlơi Grek arăng iâu “Apôliôn”.