Popular Bible Verses from Tơlơi Bơrơđah 8

Share

Tơdang Ană Triu yaih mơnơ̆ng kơđŏm tal tơjuh, amăng adai hmâo tơlơi rơiăt amăng ha mơkrah mông.

Ling jang tal sa ayŭp tơdiăp, tui anŭn hmâo hơjan pler hăng apui pơlŭk hăng drah lĕ trŭn pơ lŏn tơnah. Apui ƀơ̆ng sa črăn amăng klâo črăn lŏn tơnah, sa črăn amăng klâo črăn kơyâo pơtâo, laih anŭn abih bang rơ̆k mơtah apui ƀơ̆ng hĭ.

Kâo lăng laih anŭn hmư̆ sa drơi čĭm klang tơdang ñu pơr tơ̆ng krah adai, ur kraih tui anai: “Răm ƀăm yơh! Răm ƀăm yơh! Răm ƀăm yơh kơ ƀing mơnuih dŏ ƀơi lŏn tơnah tơdang asăp tơdiăp klâo čô ling jang pơkŏn giăm či ayŭp dơ̆ng!”

Ling jang tal dua ayŭp tơdiăp, laih anŭn hmâo mơnơ̆ng hrup hăng sa boh čư̆ prŏng apui dŏ ƀơ̆ng arăng glŏm trŭn amăng ia rơsĭ. Sa črăn amăng klâo črăn ia rơsĭ jing hĭ drah

Ling jang tal klâo ayŭp tơdiăp, laih anŭn sa boh pơtŭ prŏng apui ƀơ̆ng jă kar hăng sa ƀĕ apui arok lĕ trŭn mơ̆ng adai. Boh pơtŭ anŭn lĕ trŭn ƀơi sa črăn amăng klâo črăn khul ia krong laih anŭn khul akŏ ia. Anăn pơtŭ anŭn “Kơyâo phĭ”. Sa črăn amăng klâo črăn ia jing hĭ phĭ, laih anŭn lu mơnuih djai yua kơ ia anai, yua kơ ñu jing phĭ hĭ laih.

Ling jang tal pă ayŭp tơdiăp, laih anŭn sa črăn amăng klâo črăn yang hrơi, sa črăn amăng klâo črăn yang blan, laih anŭn sa črăn amăng klâo črăn khul pơtŭ pơjrơ̆m kơtang tơl sa črăn amăng klâo črăn tơlơi bơngač gơñu jing hĭ mơmŏt, ngă brơi sa črăn amăng klâo črăn tơhrơi rơngiă hĭ tơlơi bơngač, laih anŭn mlam ăt kar kaĭ mơ̆n.