Popular Bible Verses from Tơlơi Bơrơđah 10

Share

samơ̆ truh hrơi ling jang tal tơjuh ayŭp tơdiăp, Ơi Adai či ngă pơgiơ̆ng hĭ tơlơi yom hơgơ̆m Ñu, kar hăng Ñu hmâo pơhaih laih kơ ƀing ding kơna Ñu, jing ƀing pô laĭ lui hlâo.”

Giơ̆ng anŭn gơñu laĭ kơ kâo: “Ih ăt khŏm laĭ lui hlâo kơ lu djuai mơnuih, lu lŏn čar, lu khul tơlơi pơhiăp laih anŭn kơ lu pơtao dơ̆ng.”

Giơ̆ng anŭn, kâo ƀuh sa čô ling jang pơkŏn bă hăng tơlơi dưi kơtang trŭn rai mơ̆ng adai, hmâo ƀŭt kơthul gom ñu. Hmâo mrơ̆t jum dar akŏ ñu, ƀô̆ mơta ñu kar hăng yang hrơi, laih anŭn tơkai ñu kar hăng tơmeh apui.

Tui anŭn, kâo nao pơ ling jang, laih anŭn rơkâo kơ ñu brơi kâo čơkul hră klĭ anĕt anŭn. Ñu laĭ: “Mă laih anŭn ƀơ̆ng bĕ; ñu či jing hĭ phĭ amăng hlŭng ih, samơ̆ či jing mơmih hrup hăng ia hơni ƀơi amăng bah ih.” Kâo mă čơkul hră klĭ anĕt anŭn mơ̆ng tơngan ling jang laih anŭn kâo ƀơ̆ng. Ñu jing mơmih kar ia hơni ƀơi amăng bah kâo, samơ̆ giơ̆ng kâo lun laih ñu, ñu jing hĭ phĭ amăng hlŭng kâo.